Login to your account

Username *
Password *
Remember Me

CNE ho UNDP Lansa Sentru Tabulasaun Nasionál no Plataforma Transformasaun Teknolojia

Prezidente CNE, José Agostinho Belo, simu hela Komputadór husi Reprezentante Rezidénsia UNDP iha Timor-Leste, Munkhtuya Altangerel, iha Salaun CNE, Kolmera, kinta (17/03) . Prezidente CNE, José Agostinho Belo, simu hela Komputadór husi Reprezentante Rezidénsia UNDP iha Timor-Leste, Munkhtuya Altangerel, iha Salaun CNE, Kolmera, kinta (17/03) . Foto Suplay

Tempotimor (Dili)-Komisaun Nasionál ba Eleisaun sira (CNE) ho United Nations Development Programme (UNDP) lansa Sentru Tabulasaun Nasionál no Establesementu Plataforma Transformasaun Teknolojia hodi fasilita transmite informasaun ho efisiénsia.

“Sentru Tabulasaun no Plataforma Transformasaun Dijitál ne'e dezenvolve tamba iha koperasaun ho UNDP COVID-Resillent Elections in Timor-Leste (CORE-TL) ho objetivu atu eleva koñesimentu komponente jestu eleitorál sira-nian hodi transmite informasaun eleitorál ho efisiente no efikas iha tempu eleisaun ne'ebé sei mai”, dehan Prezidente CNE, José Agostinho Belo, iha Salaun CNE, Kolmera, kinta (17/03).

Ho estabelesimentu sentru ne’e, hetan apoiu husi projetu UNDP CORE-Tkimor-Leste, ne’ebé ofisialmente lansa Sentru Tabulasaun Nasionál no Plataforma Transformasaun Dijitál iha edifísiu CNE-Dili.

Espetativa husi estabelesementu ne’e hodi hasa'e númeru partisipasaun sidadaun to’o 10.000 ba leten hodi asesu informasaun ne’ebé los atual kona-ba eleisaun no lala’ok ba prevensaun COVID-nian.

Reprezentante Rezidénsia UNDP iha Timor-Leste, Munkhtuya Altangerel hatete, eleisaun ne'ebé mai sei realisa iha situasaun pandemia nia laran no efetividade komunikasuan ne'e prioridade tebes ba eleisaun, tenke garantia atu fornese informasaun ne'ebé sufisiente ba elitór no funsionáriu sira atu prevene COVID-19.

Sentru Tabulasuan Nasionál no Plataforma Transformasaun Djital ne'e sikifikativu tebes ba sistema ida ne'ebé halo sidadaun hotu bele asesu ba informasaun importante sira kona-ba eleisaun no COVID-19.

Enkuantu Embaixadór Japaun iha Timor-Leste, Masami Kinefuchi hatete, eleisaun né'ebé justu mak sai hanesan baze ba demokrásia. Tanba ne’e Japan suporta ona Eleisaun iha Timor-Leste mais de tinan 20 ona desde kedan referendu iha tinan 1999.

“Ami orgullu ho ami-nia kontinuasaun asisténsia. Eleisaun Prezidente tinan 2022 hanesan eleisaun primeiru né'ebé realiza iha situasaun pandemia, no presiza preparasaun ne'ebé diferente hodi responde ba situasaun COVID-19”, dehan nia.

Ho konsiderasaun ida ne'e, Japaun deside hodi fó suporta espesiál ba projetu UNDP Covid-Resilient Election in Timor-Leste (CORE-TL) ne'ebé mak finansia ho montante millaun 4 husi Governu Japaun.

Bazeia ba akordu entre UNDP no CNE, Projeitu CORE-TL atu apoiu CNE iha atividade sira hanesan, atualiza Website CNE nian ho informasaun foun inklui COVID-19, fornese ho komputadór 10 ba Sentru Tabulasaun Nasionál, semináriu dala ida ba eleitór sira foun hamutuk na’in-100 kona-ba Edukasaun Eleitorál husi UNTL no Universidade Waseda iha Japaun, nomós treinamentu ba funsionáriu sira kona-ba prevensaun COVID-19 iha tempu realiza eleisaun.

Atividade UNDP CORE-TL sira ne'e hotu hetan apoiu fundu husi Governu Japaun, atu realiza eleisaun ne'ebé seguru, informadu no inklusivu iha nível lokál to’o nasionál. (*).

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter