“Hahú ohin ita tenke hametin ita-nia vizilánsi, la bele husik naokten sira atu mai baku ita-nia uma oin, sira mai ho $20, $30 atu sosa imi-nia konsiénsia ho objetivu atu na’ok imi-nia votu”, dehan Alkatiri iha kampaña Kandidatu Prezidente Repúblika, Lú Olo, nian Tasitolu, kuarta (16/03).
Tanba osan ne’ebé sira utiliza hodi sosa votu ho $20 no $50, maibé durante tinan lima nia laran sira sei hamoos hotu fundu petroliferu.
“Sira sei hamoos fundu petroliferu, fundu minerai, di'ak liu halo vizilánsia totál la bele husik sira besik, to'o dia 19 vizilánsia nafatin, la bele husik sira besik, kaer rasik kuda talin ita-nia”, afirma nia.
Alkatiri fó ezemplu ida ki’ik de'it, nia palku ki’ikoan ida iha Ataúru ne'ebá furak, pois CNRT ba dehan atu aluga palku ne'e, maibé komisaun polítika munisipál Ataúru dehan atu aluga mak la’e di'ak liu sunu de'it palku.
“Ne'e ezemplu ida ke di'ak, para sira bele hatene katak povu ne'e, koñese di'ak ona sira hotu, povu ne'e koñese di'ak ona Xanana, povu koñese di'ak Horta”, haktuir nia. (*)
