Login to your account

Username *
Password *
Remember Me

PM Taur Felisita Yoon Suk-yeol Eleitu Sai Prezidente Korea

-Primeiru Ministru (PM), Taur Matan Ruak. -Primeiru Ministru (PM), Taur Matan Ruak. Foto Suplay

Tempotimor (Díli)-Primeiru Ministru (PM), Taur Matan Ruak, hato’o mensajen felisitasaun ba Yoon Suk-yeol ne’ebé eleitu sai Prezidente Repúblika Korea Súl, iha eleisaun loron 9 fulan-marsu 2022.

“Lori Governu no povu Timor-Leste nia naran hato’o ha’u-nia ksolok boot ba Sr. Yoon Suk-yeol ne’ebé eleitu hanesan Prezidente Repúblika Koreia nian, hodi dezeja ba nia susesu boot iha dezempeña ninia kna’ar sira ne’ebé importante”, dehan PM Taur Matan Ruak, iha komunikadu ne’ebé www.tempotimor.com asesu husi pájina ofisiál Governu Timor-Leste, kuarta (16/03).

Timor-Leste no Koreia Súl selebra tinan ne’e, aniversáriu da-20 ba estabelesimentu relasaun diplomátika entre país rua ne’e. Durante dékada rua ikus ne’e.

Hosikedas Restaurasaun Independénsia bele konsolida nafatin no loloos relasaun amigável ida-ne’e bazeia ba valór universál dame, liberdade, igualdade no solidariedade nian, nomós demokrasia, respeitu ba direitu umanu, multilateralizmu no ba kooperasaun internasionál.

“Ha’u fiar mós katak, jerasaun atuál Timoroan no Koreanu sira sei hatene oinsá atu kontinua relasaun fraternu ida-ne’e, la’ós de’it iha lasu institusionál sira ne’ebé promove ona iha saúde, iha edukasaun, iha formasaun profisionál, iha promosaun empregu nian, iha edukasaun sívika no desportiva  no iha servisu sira bee-moos nian, maibé, liliu iha interkámbiu dezenvolvidu sira ne’ebé estabelese ona entre ita-nia sidadaun sira no organizasaun sira sosiedade sivíl nian, iha ne’ebé programa ne’ebé tinan-tinan simu traballadór Timoroan sira atus ba atus  iha Koreia Súl”, afirma Taur.

Iha data importante ida-ne’e, ba país rua ne’e, husu ba Prezidente foun Korea Súl, atu simu ksolok boot no sinseru votu progresu no prosperidade nian ba povu amigu Repúblika Koreia nian.

Prezidente Eleitu Yoon Suk-yeol moris iha Yeonhui-dong, distritu Seodaemun, loron 18 dezembru 1960, nia hanesan polítiku no eis Prokuradór Jerál Korea Súl. Nia asume kna’ar Prokuradór husi tinan 2019 to’o 2021. Nia sai haensan kandidatu Prezidente husi Partidu Forsa Popular ne’ebé konservativu, Partidu opozisaun agora, iha eleisaun Jer’al Prezidente Korea Súl, nia eleitu bainhira liu votu ba kandidatu Lee Jae-Myung.

Iha fulan-juñu 2021, Yoon deklara avansa iha eleisaun Prezidensiál ho Kandidatu Independete, maibé la kleur nia envolve-an iha Partidu Opozisaun (Partidu Forsa Popular) iha fulan-Juli 2021 no sai kandidatu Prezidente husi partidu refere iha Novemeru 2021.

Yoon Seok-yeol manán eleisaun prezidensiál ne’enbé hala’o iha loron 9 marsu 2022. Bainhira konfirmadu manán iha eleisaun husi Komisaun Nasionál Eleisaun Korea nian, nia halo diskursu iha asembleia Nasionál loron 10 marsu 2022. Nia troka Moon Jae-In hanesan Prezidente Korea Súl no sei simu pose iha loron 10 maiu 2022. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter