"Ita konklui iha dia 14 loraik, horseik kontinua kabiña de votu ba kada estasaun de votu," dehan Diretór STAE Baukau, Lucio freitas salvador iha kna'ar fatin, kuarta (16/03).
Matérial siensetivu no non-siensetivu dadaun asegura ona iha salaun apuramentu Baukau, ne’ebé hetan segúransa durante 24 oras husi parte Polísia Nasionál Timor-Leste (PNTL) Munísipiu Baukau.
STAE Baukau halo verifikasaun la identifika problema ruma iha buletin votus, maibé reprezentante fiskais husi kandidatura sira mak kestiona pursentu 10 husi bulentin.
Tanba, evakua matérial siensetivu no non-siensetivu husi nasionál ba Munísipiu Baukau totál buletin votus hamutuk 108.700.
Nia husu ba ékipa fiskais sira akomapaña iha sentru votasaun no estasaun votasaun hodi bele hatene totál buletin votus lori ba no fila mai apuramentu Munísipal totál hanesan ka la'e.
"Fiskais ne'ebé tau iha sentru votasaun labele abandona sira nia servisu," nia hatete
Entertantu sentru votasaun iha Munísipiu Baukau hamutuk 125 no estasaun votasaun iha 150, totál eletores 96.207 ne’ebé sei partisipa eleisaun prezidénsial. (*)
