Iha intervensaun Xanana iha Kampaña Kandidatu Horta hatete, koligasaun ne’ebé halo iha pre-eleitorál hodi forma Aliansa Mundansa Progresu (AMP) hili Taur Matan Ruak ba Primeiru Ministru, maibé kakutak laiha.

“Primeiru Ministru dehan atu liberta Povu vizaun laiha, iha tiha koigasaun pre-eleitorál foti tiha nia ba Primieru Ministru, ha’u ba haree Fronteira, sa’e tiha ba ne’ebá dehan programa ne’e la’ós ninian. Ninia Governu, ninia Partidu iha programa rasik. Haiii…! ajuda ba tiha Primeiru Ministru tanba buat ida kakutak laiha”, delara Xanana iha Kampaña Eleitorál ba kandidatu José Ramos Horta iha Munisípiu Likisá, segunda (14/03).

Maske hetan apoiu husi CNRT^ hodi lidera Governu no asume kargu hanesan Ministru Interior, maibé nunka halo vizita ba Polísia Nasionál Timor-Leste (PNTL), tanba lakohi atu hatene problema husi Instituisaun refere.

“Ai-tongka tiha nia, Primeiru Ministru ba kaer tan Ministru Interior, Polísia ninian nunka ba ne’ebá, lakohi hatene problema polísia ninian, nia kaer netik pasta ida ne’ebá para nia fen ba nu’udar assessor”, Xanana tarata. (*)