Login to your account

Username *
Password *
Remember Me

Jornálista Tenke iha Kartaun Kredensiál ba Reportajen Móvel

Diretór Ezekutivu Konsellu Imprensa (KI), Rigoberto Monteiro. Diretór Ezekutivu Konsellu Imprensa (KI), Rigoberto Monteiro. Foto Suplay

Tempotimor (Dili)-Diretór Ezekutivu Konsellu Imprensa (KI), Rigoberto Monteiro hatete, mídia ne'ebé rejistu iha Konsellu Imprensa hamutuk 35 maibé la siknifika mídia hothotu tenke partisipa tanba jornálista sira ne'ebé atu partisipa iha mídia tour ne'e tenke iha kartaun kredensiál atu vota móvel.

“Mídia ne'ebé rejiatu tolunulu-resin-liman (35) maibé la siknifika sira ba hotu, maibé konsellu sei lori mídia ruanulu (20) mak sei aplay ho kartaun kredensiál ho rekejitu ida ne'e, entaun konsellu imprensa sei bolu de'it jornálista ruanulu (20), maibé mídia televizaun sira iha jornálista na’in-rua no mídia online iha jornálista ida”, dehan nia iha Lansamentu Matadalan ba reportajen eleitorál, iha Salaun Konsellu Imprensa, Kintal Boot, segundu (14/03).

Ba transporte sei prepara husi Konsellu Imprensa ho nia parseiru United Nations Development Programme (UNDP), maibé iha loron 18 fulan-marsu sei sai husi Dili ba sentru votasaun Munisípiu, no sei fila iha loron 20.

“Ha'u la presiza lee sai mídia sira ne'ebé aplay ho kartaun kredensiál ne'e rejistu iha ne'e hotu, hahú aban Konsellu Imprensa sei haruka karta ba mídia na'in sira atu delega nia jornalista ida mai, hodi partisipa iha mídia tour”, dehan nia.

Ho ida ne’e, atubele halo balansu ba kobertura iha eleisaun prezidensiál, tanba ohin loron mídia barak iha kapasidade naton kompara ho mídia ne'ebé iha kapasidade boot hanesan Rádiu Televizaun Timor-Leste, empreza públika (RTTL,EP) no Ajensia notisioza Timor-Leste (Tatoli.IP) nia iha rekursu maka'as tanba sira iha Jornálista destakadu iha Munisípiu sira.

“Mídia balun iha rekursu naton atu ba mós la di'ak entaun Konsellu Imprensa servisu hamutuk ho parseiru UNDP ho Governu Japaun, ita apoiu organiza de'it maibé la siknifika Konsellu Imprensa influénsia fali profesionál Jornálista, ita asegura nafatin prosesu independénsia editorial”, esplika nia.

Konsellu Impensa sei organiza mídia tour ba halo kobertura iha Munisípiu sira hanesan Manatutu, Baukau, vikeké, Lautein, Ermera, Bobonaru, Likisá, Ainaru, Covalima, Manufahi, Dili, Aileu no inklui Reziaun Administrativu Espesiál Oekussi Ambeno (RAEOA). (*)

Rate this item
(0 votes)
Last modified on Tuesday, 15 March 2022 11:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter