“Primeiru Ministru apresia kongratula no fó parabéns ba Asosisaun ida ne'ebé tanba servisu voluntariamente ho ekipa ne'ebé mak hadomi ninia rain hadomi ninia povu, servisu voluntariamente maibé nia sempre servisu ho Governu ida ne'e mak Primeiru Ministru apresiasaun boot mak ida ne'e”, dehan Prezidente Assosiasaun Nasionál Produtor Fini Komersial Timor-Leste (ANAPROFIKO-TL), Ilidio Mau Tersa Mendonça, ba jornalista iha Rezidénsia ofisiál PM Farol, segunda (14/03).
Tanba ne’e, Ministériu Agrikultura no Peskas mós konsege hola ona fini produsaun tonela atustolu (300) hodi kontribui ba komunidade ne'ebé mak presiza fini.
“Ami serbisu ho Ministériu Agrikultura fini tinan ida ne'e batar ho hare kuaze 300 tonelada, batar iha 150 tonelada, no hare iha 150 tonelada, iha tinan ida ne'e Ministériu Agrikultura hola hodi distribui filafali ba ita-nia agrikultór sira iha terenu”, informa nia.
Batar ho tonelada 150 sira ne'e mak hanesan, noimutin, sele, no lay, no hare ho tonelada 150 ne'e mak hanesan nakroma ne'ebé mak fa'an ona ba Ministériu Agrikultura no Peska (MAP).
Iha mós fini seluk ne'ebé mak ANAPROFIKO konsege kuda, hanesan aifarina, forekeli, foremungu, no seluk tan, ne'e mak durante ne'e serbisu hamutuk ho Ministériu Agrikultura no Peskas hahú iha tinan 2007 no hetan legalidade Ministériu Justisa (MJ) no MAP iha setór agrikultura nian. (*)