Login to your account

Username *
Password *
Remember Me

CNE ‘Defende’ Expedito iha Meritu Modera Debate Kandidatu PR

Prezidente Komisaun Nasionál ba Eleisaun sira (CNE), José Agostinho Belo. Prezidente Komisaun Nasionál ba Eleisaun sira (CNE), José Agostinho Belo. Foto Tempo Timor

Tempotimor (Dili)-Prezidente Komisaun Nasionál ba Eleisaun sira (CNE), José Agostinho Belo deklara, CNE defende Expedito Dias Ximenes hodi sai moderadór ba debate kandidatu Prezidente Repúblika (PR) tinan 2022-2027 nian, tanba meritu ne’ebé durante ne’e hatudu iha televizaun.

“Kona-ba moderadór la'ós de'it tanba deside fó de'it ba ida ne'e la’e, maibé liuhusi aprezenta naran hanesan Helder da Costa, Maria, e iha naran seluk husi tevizaun edukasuan (TVE) nian Roger taun na'in-3 ne'e iha mós jornalista feto aprezenta mai pois ita haree profile. E maioria Komisáriu sira sente katak loroloron akompaña hela mídia e hothotu hanoin dehan só Expedito iha meritu naton iha televizaun atubele modera ne'ebé desizaun ne'e la'ós prezidente de'it, desizaun ne'e ami-nia komisáriu sira hotu”, dehan nia liuhusi iha Sala CNE, Kolmera, segunda (14/03).

Nune'e, atu fasilita debate ne'e maibé ninia konteudu debate ne'e la hanesan ho debate Grande Entrevista iha GMN, kuandu CNE hili mai entrevista, sai moderadór iha ona regulamentu kompletu katak, sentru ne'e ba ema sira debate, kandidatu sira debate, sentru ne'e la'ós iha panelista nia liman, la'ós iha moderadór nia liman.

“Moderadór la halo pergunta ida mai husi nia kakutak rasik, maibé pegunta ne'e prepara husi CNE e CNE halo pergunta la'ós mesak, CNE konvida institusaun sira, ema pesoál sira ne'ebé ita sente dehan preveliziu, kapasidade ne'ebé di'ak entermus de intelektual ho sira-nia prestasaun, sira hothtou fó sira-nia perguntas mai ne'e 5, nune'e pergunta hamutuk 100 depois CNE iha ekipa ida atu halo selesaun ba pergunta sira ne'e, hela de'it 20, atu halo debate aban nian no pergunta sira ne'e laiha ema ida hatene e kandidatu no públiku sei la hatene”, esplika nia.

Prosesu tomak CNE halo tuir lei ne'ebé iha no CNE hanesan orgaun independente, organ autonomia independente nia iha kompeténsia tomak atu deside saida mak administrativu atu hala'o.

“CNE sei la simu presaun husi partidu polítika mai husi kandidatu ka, ami sei la bele tolera ida ne'e, maibé hanesan preokupasaun ami fó tiha ona reposta ba sira ne'ebé hatama reklamasaun, ha'u hanoin reklamasaun ne'e esplika hotu kedas prosesu tomak ne'ebé la'o, ne'ebé prosesu ne'e la'o tranparénsia, maibé CNE prontu bele ko'alia ho see de'it kona-ba asuntu ida ne'e, tanba ne'e Timoroan tenke fiar malu, see ita la fiar instituisaun, ita atu sai saida tanba ne'e fiar mós institusaun ninia lei ne'ebé iha, kompeténsia ne'ebé lei fó ba", katak nia.

Kona-ba fatin ne'ebé CNE hili atu debate kandidatu Prezidente Repúblika iha Ótel Novu Turizmu tanba fatin ida ne'e mak disponivel atu halo debate, ninia objetivu importante tanba primeru fó dignu ba kandidatu sira, segundu kandidatu sira ne'e la'ós de'it abanbairua iha nasionál sira-nia ekilibriu sei internasionál.

“Kustu ne'e la tama iha kustu GMN-TV nian, ne'e sei apoiu mós husi parseiru sira, ne'ebé parseiru hakarak apoiu ita, nusa mak ita tenke ko'alia ida ne'e, ne'ebé ne'e la'ós osan CNE mak hasai, ne'e parseiru nia apoiu tanba haree dehan kandidatu ne'e di'ak, eleisaun ne'e importante taun sira apoiu, maibé komu ita iha liur ita ko'alia de'it ita la hatene sasán sira iha laran, tanba ne'e mai beibeik ita ko'alia, ita hakarak fó esplikasaun di'ak para bele hatene, lae politiza hotu de'it situasaun ida ne'e, mais la hatene situasaun lolos”, haktuir Prezidente CNE. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter