Login to your account

Username *
Password *
Remember Me

Aban, CNE Utliza Televizaun Privadu ba Debate Kandidatu

Prezidente Komisaun Nasionál ba Eleisaun sira (CNE), José Agostinho Belo. Prezidente Komisaun Nasionál ba Eleisaun sira (CNE), José Agostinho Belo. Foto Tempo Timor

Tempotimor (Dili)-Komisaun Nasionál ba Eleisaun sira (CNE) deside utiliza televizaun privadu Grupu Media Nasionál (GMN) ba debate kandidatu Prezidente Repúblika (PR) 2022-2027, aban, loron tersa (15/03).

Ba desizaun ne’ebé CNE foti hodi utiliza mídia privadu ba debate Kandidatu sira, tanba avaliasaun ne’ebé halo ba televizaun sira hanesan Grupu Media Nasionál (GMN), Rádiu Televizaun Timor-Leste, epreza públika (RTTL,ep) tuir koutasaun ne’ebé aprezenta mak CNE deside hodi utiliza GMN-TV.

“Avaliasaun atu fó rezultadu ne'e avaliasaun tékniku la'ós avaliasaun ba ema pur ida, ita avaliasaun ba dokumentu ne'ebé hatama mai no kapasidade ne'ebé nia hato'o, avaliasaun ne'e iha ne'e, ne'ebé la dehan tékniku ida ne'ebé di'ak liu, maibé haree ba fasilidade ne'ebé iha, haree ba kustu ne'ebé iha, ita haree oinsá para ita bele hola desizaun, ne'ebé la'ós ko'alia de'it kona-ba kualidade aprezentasaun, kualidade televizaun di’ak kala’e?. Kualidade ne'e kompostu husi avaliasaun tomak ne'e mak ita rezulta dehan valór ida ne'e mak ita simu atu halo debate”, dehan Prezidente Komisaun Nasionál ba Eleisaun sira (CNE), José Agostinho Belo, liuhusi Konferénsia Imprensa iha Sala CNE, Kolmera, segunda (14/03).

Tanba ne'e, públiku tenke hatene, mídia ne'e iha konstituisuan konsagra ba mídia hothotu, la ko'alia mídia ida ne’e mak Estadu nia, mídia ida ne’e privadu nia.

“Ita-nia Estadu ne'e la'ós estadu ida sentralizu, ema bolu dehan kontrolu hothotu Estadu, ne'e iha Kuba, iha Rusia ne'e mak mosu, iha ita-nia rai ne'e ema bolu dehan, se mak aprezenta di'ak liu, se mak iha kualidade di'ak liu, Timoroan hothotu tanba, GMN-TV ka RTTL ka hothotu kontribui ba independénsia ne'e hanesan, tanba ne'e mak CNE iha kompeténsia tomak atu deside, ida ne'ebé mak di'ak akompaña ba debate ida ne'e”, informa nia.

Debate Kanidatatu la'ós GMN-TV mak manán permanente, atu hala’o nafatin iha futuru, maibé sei iha tan eleisaun Parlamentár ne’ebé akontese iha tinan 2023, tanba ne’e Timoroan hotu tenke fiar malu hadi’a-an atu iha futuru bele kompete tan.

“Iha Públiku agora kestiona hela oinsá maka bele deside GMN-TV sai hanesan televizaun ida, fó sai direta kona-ba debate ida ne'e, atu fó hatene de'it ba públiku atu iha komprensaun ne'ebé hanesan, realidade ne'ebé mosu, katak iha televizaun tolu mak hato'o sira-nia koatasaun, konvite ne'e ami fó ba mídia antes semana ida sira aprezenta sira-nia kuatasaun, e husi kuatasaun ne'e ami-nia regra iha aprozionamentu ne'e mai husi Diretór Jerál Tékniku mak halo hela avaliasaun ba dokumentu hothotu no rezultadu husi avaliasaun ne'e lori ba plenáriu komisaun sira apresia tuir kritéria sira ne'ebé iha”, esplika nia.

Maibé kuatasaun ne'e Televizaun Edukasaun la konsege aprezenta, iha de'it GMN-TV ho Rádiu Televizaun Timor-Leste (RTTL), tanba kuatasaun RTTL aprezenta katak atu halo live ne'e ninia kustu, totál 4 oras tempu ho kustu rihun-4.8, ho kustu rihun-4.8 ne'e, ba de'it live nia, no seidauk sura ho ekipamentu sira ne'ebé iha, bainhira sasán hotu ne'e sura totál hamutuk rihun-26.

Nune'e Públiku hatene de'it mak live ne'e, live atu la'o ne'e tenke iha ekipamentu, tenke iha televizaun, tenke ih buat hothotu, maibé kustu rihun-12 ne'ebé aprezenta husi GMN-TV kompleta ona ho ekipamentu hothotu mak CNE simu de'it.

“Ita la bele haree $4.800 ne'e live, sura oras ida, oras ida ne'e, maibé prosesu tomak atu dezain buat hothotu, tanba ne'e mak ita hothotu sura de'it ba husi 12 mill kompara 26.500 ne'ebé mak rasional ida ne'ebé mak kustu ne'e ki'ik liu”, haktuir nia.

Antes ne'e Ekipa Susesu Kandidatu Lú Olo, Fernando Gusmão deklara, sira hato'o ba CNE, karta protesta ida ligasaun ba planu atu halo realizasaun debate entre kandidatu sira ne'ebé maka CNE deside atu fó responsabilidade ne'e atu hala'o iha kordenasaun GMN-TV nian.

“Ami haree katak, debate ne'e podia ita halo iha televizaun RTTL nian koordenasaun, ho razaun tanba RTTL nia koobertura ne'e ba Timor laran tomak, RTTL ne'e, bele fó sai koobertura ne'e luan liután, ita kompara ho GMN-TV ne'ebé mak ninia kobertura la boot, la luan hanesan RTTL nian, tanba ida ne'e mak ami protesta ba GMN, podia atribui ba ita-nia televizaun públika”, dehan nia liuhusi Konférensia Imprensa iha Salaun Luz Clarita, Bairu Formoza, segunda (07/03).

Tanba liga mós ba kustu ne'ebé mak sei hala'o iha televizaun públika RTTL nia kustu ki’ik liu, no osan sei fila ba kofre Estadu, duke kontrata ho GMN ne'ebé kustu boot liu, e kobertura ladun másimu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter