Print this page

Aban, CNRT ‘Hatun’ Masa Rihun-60 Tuir Kampaña Horta iha Dili

Sekretáriu Jerál Partidu CNRT, Francisco Kalbuadi Lay, hamutuk ho estrtura koordenadór partidu CNRT nian husi Munisípiu Dili hala'o hela konferénsia imprensa iha sede Nasionál CNRT, Bairros dos Grilhos, segunda (14/03). Sekretáriu Jerál Partidu CNRT, Francisco Kalbuadi Lay, hamutuk ho estrtura koordenadór partidu CNRT nian husi Munisípiu Dili hala'o hela konferénsia imprensa iha sede Nasionál CNRT, Bairros dos Grilhos, segunda (14/03). Foto Suplay

Tempotimor (Dili)-Sekretáriu Jerál Partidu Congresso Nacionál de Recosntrução de Timor (CNRT), Francisco Kalbuadi Lay hatete, sira sei hatun masa rihun-60 hodi tuir kampaña eleitorál husi Kandidatu Prezidente Repúblika (PR), José Ramos Horta iha Munisípiu Dili, aban, loron tersa (15/03).

“CNRT eh uluk kedas to'o agora ita-boot sira hatene dehan, husi kampaña 2007 to'o agora Dili ne'e CNRT ninia baze, e aleinde aban (15/03), ami lalika target mós iha Tasitolu másimu ita bele kumpul ema karik maizu menus, másimu 50 to'o 60 mil ne'e kapasidade iha Tasitolu, sé ita mobiliza ho di'ak, koloka ida-idak ho di'ak, maibé ema bele liu”, deklara nia liuhusi konferénsia imprensa iha sede Partidu CNRT, Bairros dos Grilhos, segunda (14/03).

Ba mobilasaun masa ne'e, sei hala'o husi koordenadór munisipiu Dili ho estrutura tomak, maihusi Postu Administrativu, Metinaru Kristu Rei, Na'in Feto, Vera Kruz ho Don Aleixo.

Tanba ne'e, husu ba militante no apoiante Kandidatu José Ramos Horta inklui movimentu sira hotu bainhira tuir kampaña eleitorál tenke ho disiplina respeitu malu, hadomi malu, mai akompaña no rona programa kandidatu nian, fila ba uma hakmatek, hases-an husi violénsia no provokasun, no motoriza tenke kumpre no respeitu ba kódiku tránzitu nian.

“Ida ne'e mak ha’u apelu ba militantee hothotu nune'e mós ba movimentu sira hotu”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items