Login to your account

Username *
Password *
Remember Me

FRETILIN ‘Kontra’ CNE Kontrata GMN ba Debate Kandidatu

Reprezentante Ekipa Susesu kandidatu Lú Ol, Fernando Diaz Gusmão. Reprezentante Ekipa Susesu kandidatu Lú Ol, Fernando Diaz Gusmão. Foto Tempo Timor

Tempotimor (Dili)-Ekipa Susesu Kandidatu Francisco Guterres ‘Lú Olo’ husi Partidu FRETILIN, kontra maka’as Komisaun Nasionál ba Eleisaun sira (CNE) ne’ebé kontratu televizaun Privadu Grupu Media Nasional (GMN-tb) atu halo transmisaun ba debate kandidatu Prezidente Repúblika sira.

"Relasiona ho kontratu ne'ebé CNE halo ho GMN, husi parte ekipa susesu Lú Olo lamenta tebtebes katak CNE hili empreza privada GMN mak halo transmisaun direta ba debate entre kandidatu prezidente sira, ne’ebé sei akontese iha loron 15 marsu 2022 kalan, biar servisu ida ne'e ser karun liu”, hatete Reprezentante Ekipa Susesu kandidatu Lú Ol, Fernando Diaz Gusmão, iha Sede Luz Clarita, Bairro Formoza, sábadu (12/03).

Tanba ne’e ekipa susesu Lú Olo halo resposta ba karta CNE relasiona ho desizaun CNE hili GMN ba debate entre kandidatu sira no desizaun Tribunál Rekursu kona-ba keixa kontra deliberasaun CNE númeru 5/111/2022.

Ba Empreza privada GMN kobra osan ho montante rihun-12 ba servisu transmisaunn direta enkuantu empreza públika Rádiu Televizaun Timor-Leste (RTTL) kobra de'it osan rihun-4 ba servisu refere, maibé CNE lá hili.

Husi RTTL mós aprezenta orsamentu totál rihun-24 ba kobre dezpeza hothotu, la'ós de'it ba transmisaun direta. Tanba atu selu espasu aluga ba debate, palku, kadeira, dekorasaun no seluk tan.

Iha eleisaun tinana liman liuba CNE selu RTTL ho osan said rihun-31 ba despeza tomak no nune'e, osan sai husi órgaun pübliku ida, maibé tama fali iha empreza públika ida ho servisu no kobertura di'akliu.

Bainhira hili RTTL, osan povu nian sai husi instituisaun públika CNE, no tama fali iha empreeza públika ne’ebé sirkula de’it iha instituisaun Estadu sira.

“GMN, empreza privada, sei la halo debate iha espasu GMN, sei uza fali fatin seluk. Ami kestiona Despeza totál hira loos?, CNE la fó sai ba públiku. Haree husi área kobertura RTTL, empreza públika ida ne'e mak halo kobertura ba territóriu laran tomak tanba hato 'o informasaun to’o nível suku, ho fasilidades ne ebé iha ohin loron. Ami mós lamenta katak CNE hili estasaun televiziva ida ne'ebé la hatudu imparsialidade durante kampaña prezidensiál”, afirma nia.

Haree ba publikasaun ne’ebé durante ne’e RTTL halo hatudu imparsialidade tanba fó oportunidade hanesan ba kandidatu sira no hato'o informasaun atúal no kredivel atu eleitór ida-idak, bele sukat no hili kandidatu ne'ebé diak liu ba Povu tomak.

“RTTL prova ona katak profesionál, kredivel no imparsial tebes liuhusi ninia programasaun to'o ohin loron. Ekipa susesu apresia tebes katak RTTL hili politika fó-sai de'it kompromisu politiku, la halo kobertura ba insultu sira husi kandidatu ka patrosinador sira”, afirma nia.

Nunes’e Ekipa Susesu husu ba Komisaun Anti Korrupsaun (KAK) atu halo investigadsun ba debate kandidatu prezidente repúblika ne’ebé sei hala’o iha Ótel Novu Turizmu.

"Ami husu ba CAC atu investiga tanbasá eventu ne'e halao iha Hotel Novo Turismo ne'ebé envolve kustu totál boot liu no tanbasá la halo iha salaun Larigutu CNE nian, hanesan akontese horiuluk”, afirma nia.

Ikus liu hato'o vitória iha luta hasoru CNE tanba komisáriu sira ho lideransa José Agostinho Belo nian, hakarak hasai direitu eleitór sira nian iha Austrália, atu vota iha eleisaun Prezidensiál 2022. Tanba la simu desizaun CNE, ekipa susesu Lú Olo, ho orientasaun husi kandidatu rasik, hatama petisaun hasoru CNE, iha Tribunál Rekursu iha 7 marsu 2022.  (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter