Login to your account

Username *
Password *
Remember Me

Movimentu Juventude Eis Merkadu Komoro Prontu Vota ba Horta

Movimentu Juventude Eis Merkadu Komoro hala’o konferénsia imprensa hodi deklara apoiu ba Kandidatu Prezidnete Repúblika, José Ramos Horta, iha Eis Merkadu Komoro, Fatuhada, sábadu (12/03). Movimentu Juventude Eis Merkadu Komoro hala’o konferénsia imprensa hodi deklara apoiu ba Kandidatu Prezidnete Repúblika, José Ramos Horta, iha Eis Merkadu Komoro, Fatuhada, sábadu (12/03). Foto Tempo Timor

Tempotimor (Dili)-Movimentu Juventude Eis Merkadu Komoro (MJMK) prontu vota ba kandidatu Prezidente Repúblika (PR) periode 2022-2027, José Ramos Horta iha eleisaun Prezidensiál, loron 19 Marsu 2022.

"Ami Juventude Eis Merkadu Komoro firme no konsisténsia hodi fó ami-nia votu konfiansa ba kandidatu prezidente períodu 2022-2027, José Ramos Horta, iha premeira ronde eleisaun ne'ebé sei realiza iha loron 19 Marsu 2022”, dehan Portavoz MJMK, Januario X. Sanches, liuhusi konferénsia imprensa, iha Eis Merkadu Komoro, Fatuhada, sábadu (12/03).

Movimentu Juventude Eis Merkadu Komoro ne’ebé hari’i iha loron 12 fulan-marsu-2022 iha Suku Fatuhada, Postu Administrativu Dom Aleixo, Munisípiu Dili, deside fó konfiansa ba Horta tanba haree ba situasaun no asaun polítika husi ukun na’in sira, ne’ebé konsidera la fó valór ukun ida ne’e ba povu ho nasaun.

Ho ida ne'e, Movimentu Juventude Eis Merkadu Komoro ho konsisténsia tomak sei halo esforsu liuhusi assaun door to door atu esplika ba eleitór tuan no foun sira atubele kontribui votu másimu ba José Ramos Horta.

Aleinde ne' Movimentu Juventude Eis Merkadu Komoro mós sei mantein atu fó apoiu Partidu CNRT ne’ebé lideradu husi Kay Rala Xanana Gusmão iha eleisaun parlamentár 2023.

Pozisaun MJMK deside apoia Xanana tanba durante iha fulan hirak liubá, akontese aihán uma iha eis Merkadu Komoro, só Prezidente partidu CNRT Kay Rala Xanana Gusmão mak tun ba halo asaun solidariedade direta hodi rekupera hikas uma vítima sira-nian maibé parte husi na’in ulun sira ne’ebé kaer hela ukun la fó apoiu ruma atu rekupera sasán ne’ebé hetan estragu.

“Ami garante katak, juventude no inan-aman eis Merkadu Komoro sei fó votu konfiansa ba Avo Xanana no Avo Horta, ami fiar katak sei manán iha primeira ronde”, hatete nia. (*)

Rate this item
(1 Vote)
Last modified on Saturday, 12 March 2022 16:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter