Login to your account

Username *
Password *
Remember Me

STAE Baukau Simu Ona Buletin Votu Kaixa 38 Husi Nasionál

Kaixa voletin votu ne'ebé dadaun rai hela iha STAE Munísipiu Baukau, sesta (11/03). Kaixa voletin votu ne'ebé dadaun rai hela iha STAE Munísipiu Baukau, sesta (11/03). Foto Tomas Freitas

Tempotimor (Baukau)‐Sekretáriadu Tékniku Administrasaun Eleitórál (STAE) Munisípiu Baukau simu ona buletin votu hamutuk kaixa 38 husi nasionál.

Diretór STAE Munisípiu Baukau, Lucio Freitas Salvador, informa, ohin loron 11 fulan-marsu tinan 2022, iha teritóriu Timor, hahú simu ona matérial sensitivu no noun-sensetivu.

"Matérial ne'ebé ohin sira simu husi STAE nasionál, distribui ba iha STAE Munísipiu liu-liu iha Baukau, ita iha kaixa buletin votu hamutuk 38,” dehan Diretór STAE Baukau iha salaun apuramentu, sesta (11/03).

Kaixa 38 ne'e, kompostu husi livru rihun 2.174 no totál voletin votu, nune’e aumenta ho pursentu 10 hodi prepara ba média observadór, fiskais sira ne'ebé halo supervizaun iha fatin sentru votasun sira atubele vota iha kualkér fatin, hamutuk atinji to'o 108.700 foilla votu.

"Imprimi iha nasionál mós, imprimi tiha kedas pursentu 10 ne'e, totál Timor-laran tomak aumenta hotu pursentu 10," nia hatete

Pakotemente sei halo durante loron-6 iha STAE Munísipal to'o loron 17 fulan-marsu tinan 2022 mak halo seremonia distribuisaun ba sentru votasaun hotu.

"Dia 18 ita sei halo seremónia ida iha ne'e mak, sei distribui ba estasaun votasaun no sentru votasaun," nia informa

Nune'e, Komadante Komandu Polísia Nasionál Timor-Leste (PNTL) Munísipiu Baukau,  Superintendente António De Sá, hatete, prosesu segúransa asegura situasaun hahú kedas husi ínisiu kampaña eletorál, to'o prosesu eleisaun remata iha edifisiu STAE Baukau.

"Ita fó seis pesoas mak destaka kedas iha ne'e, semana hira ba kotuk ona, buat ruma prontu kontaktu prezidente da meza," nia hatete

Komdandu PNTL Baukau hamutuk ho Komisaun Nasionál Eleisaun (CNE) iha ona planu atu fó segúransa no asegura bainhira transporta matérial siensetivu no noun-siensetivu ba sentru votasaun no estasaun votasaun hotu iha Munísipiu Baukau.

Entertantu sentru votasaun iha Munisípiu Baukau hamutuk 125, no estasaun votasaun iha 150 no eleitór hamutuk 96.207 mak sei partisipa iha vota ba eleisaun Prezidénsial. (*)

Rate this item
(0 votes)
Last modified on Saturday, 12 March 2022 06:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter