Login to your account

Username *
Password *
Remember Me

Kandidatu PR Na'in-5 Submete Oráriu Mini-Kampaña ba CNE Baukau

Diretór CNE Baukau, Esmeraldo Damião Belo, ko'alia hela ba média sira iha kna'ar fatin, vila nova, kuarta (09/03). Diretór CNE Baukau, Esmeraldo Damião Belo, ko'alia hela ba média sira iha kna'ar fatin, vila nova, kuarta (09/03). Foto Tomas Freitas

Tempotimor (Baukau)‐Ékipa susesu husi kandidatu Prezidente Repúblika (PR) periodu 2022-2027 na'in-5 iha Munísipiu Baukau, submete ona oráriu mini-kampaña ba Komisaun Nasionál Eleisaun (CNE-sigla portugues) Baukau.

"Agora tama ne'e mak, kandidatu José Ramos Horta, Francisco Guterres Lú Olo, Tito da Costa Cristovão (Lere Anan Timur), Armanda Berta, no Anacleto Bento Ferreita," dehan Diretór CNE Baukau, Esmeraldo Damião Belo iha kna'ar fatin, vila nova, kuarta (09/03).

Tuir oráriu ne'ebé ékipa susesu submete ba CNE Baukau, sei realiza iha kada Postu Adminisitrativu hotu.

Tanba ne’e, kandidatu Francisco Guterres Lú Olo no José Ramos Horta ho tipu mini-kampaña, Armanda dos Santos Berta tipu dialogu, Lere Anan Timur ho tipu komisiu dor to dor, no Anacleto Bento Ferreita ho tipu dialogu.

"Oráriu ne'e ami hetan, fahe ona ba parte segúransa ami nafatin halo supervizaun tuir sira nia oráriu," nia hatete

Enkuantu iha oráriu mini-kampaña hahú iha loron 7-19 fulan-marsu tinan 2022, ne’ebé hetan aprovasaun husi CNE Baukau. (*)

 

DTP Baukau ho Autoridade Munísipal Atribui Rai Hektar-2 ba Polísia Imigrasaun

Tempotimor (Baukau)-Iha loron 8 fulan-marsu tinan 2022, Diresaun Teras Propriedade (DTP) Munísipiu Baukau hamutuk ho Autoridade Munísipal, atribui ona rai hektar-2 ba Polísia Imigrasaun atu harii edifísiu.

"Rai besik Aeroportu Baukau (Lanud) nian ne'e, diresaun teras proriedade hamutuk ho autoridade Munísipiu identifika atribui ba Polísia Imigrasaun nian atu harii nia edifísiu rai hamutuk hektar 2," Diretór DTP Munisípiu Baukau, Raimundo de Jesus iha kna'ar fatin Tirilolo, kuarta (09/03).

Rai hektar-2 ne’e, konsidera rai komunal, tanba durante tuir estadu nia haree rai abandona.

"Rai ne'e valeu, maibé la taka dalan ba komunidade bainhira sente dehan lakon, lei fó dalan, maibé labele impede dezenvolvimentu," nia hatete

Bainhira Polísia Imigrasaun estabelese ona iha Munísipiu Baukau, sei kobre to'o Munísipiu Lautém, Manatutu no Vikeke.

Alende ne’e, DTP Baukau identifika ona rai komunal hektar-4 atu atribui ba parte protesaun sivil hodi harii nia edifísiu permanente. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter