Login to your account

Username *
Password *
Remember Me

Militante FRETILIN ‘Duni Fila’ CNRT iha Suku Holarua

Militante Partidu FRETILIN haruka fila militante Partidu CNRT iha Suku Holarua, Same, Manufahi, domingu (06/03). Militante Partidu FRETILIN haruka fila militante Partidu CNRT iha Suku Holarua, Same, Manufahi, domingu (06/03). Foto Suplay

Tempotimor (Manufahi)-Militante husi Partidu Frente Revolusionáriu Timor-Leste no Independente (FRETILIN) iha Suku Holarua, Postu Administrativu Same, Munisípiu Manufahi, halo asaltu no duni fila militante Partidu Congresso Nacional de Reconstrução de Timor (CNRT) ho motorizada iha área Suku Hola Rua nian, atu ba tuir kampaña kandidatu Prezidente Repúblika, José Ramos Horta.

Ba problema ne'ebé akontese iha Suku hola Rua, loron domingu (06/03) maizu menus tuku 5 resin, bainhira militante no apoiante husi Kandidatu Partidu CNRT prepara hodi tuir Kampaña eleutorál.

Tuir Militante partidu CNRT balun ne'ebé lakohi fó sai identidade ba www.tempotimor.com konfesa katak, sira ho motoriza kuaze barak no karreta 3 ka 4 hanesan ne'e,  ba para iha área Suku Hola Rua hodi hein atu simu Prezidente Partidu CNRT, Kay Rala Xanana Gusmão ho Kandidatu Prezidente Repúblika (PR), José Ramos Horta área ne'eba maibé hetan asaltu husi militante no estrutura partidu FRETILIN balun iha suku Hola Rua.

“Sira haruka ami fila, ne'ebé ami mós dehan de'it heisa ami fila ona”, haktuir militante partidu CNRT ne'ebé lakohi fó sai identidade ba www.tempotimor.com Same Vila, domingu (06/03).

Ba situasaun ne'e, ihai mós evidénsia balun husi parte militante partidu CNRT nian hanesan gravasaun vídeo kona-ba situasaun refere.

Iha gravasaun vídeo ne'e, Militante Partidu FRETILIN nian hatete ba Militante partidu CNRT katak, “FRETILIN nian mak ida ne'e, imi atu mai ko'alia halo saida iha ne'e, Suku Hola Rua ba ona FRETILIN, CNRT la halo buat ida iha ne'e, FRETILIN mak luta hodi ohin loron iha ne'e, imi mai halo saida iha ne'e, imi hareee dok, fila”, haktuir militante FRETILIN iha vídeo laran.

Bainhira konfirma kona-ba akontesimentu militante Partidu CNRT ho FRETILIN iha Suku Hola Rua, Postu Administrativu Same, Munisípiu Lautein, Prezidente Komisaun Nasionál Eleisaun (CNE), José Agostinho eidauk simu keixa. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter