“Tuda Malu iha Baukau entre militantes partidu KHUNTO no FRETILIN iha Baukau ne'e ita seidauk identifika ida ne'ebé mak suspeitu, maibé agora ekipa hamutuk ho polísia tun ona hodi halo identifikasaun, karik iha rezultadu ita sei fó sai”, dehan Prezidente CNE, José Belo hafoin halo Konferénsia Imprensa, iha edifísiu Kolmera, segunda (07/03).

Bainhira identifika suspeitu sei fó sansaun ba partidu ida ne'ebé mak nia militante halo krime ne'e, tanba atetude ne’ebé hatudu bele influénsia Kandidatu Prezidnete Repúblika.

“Ita hare iha sansaun soberanu legal hodi fó ba partidu sira ne'ebé nia militantes komete krime ne'e iha lei no karik iha keixa reklarasaun ita sei hatan tuir lei ne'e, tanba atitude ne'ebé mak ita hatudu ne'e influénsia ba ita-nia kandidatura sira, segundu sansaun mak Paktu ne'ebé sira asina ona tuir kultura Timor-Leste tomak, tanba se mk kontra nia la kona agora maibé iha tempu seluk”, haktenik nia.

Kona-ba ida militante husi FRETILIN haruka fila militante CNRT iha Same ne'e, sira-nia parte seidauk simu keixa kona-ba ida ne'e, tanba kampaña ne'e la'ós halo atu sobu malu no fahe malu maibé halo hodi sai unidus liután ba Timor nia di'ak, nune’e husu ba partidu sira eduka nia militante sira hodi kontinua respeitu malu.

“Tanba iha Baukau ne'e akontese tanba, KHUNTO halo kampaña iha Lospalos mak fila mai iha grupu ki'ikoan ida sira provoka malu, ikus mai tuda no harahun sasán sira balun, maibé partidu FRETILIN halo ninia kampaña iha Baukau ne'e laiha koñesementu husi CNE, tanba sira nia ajenda la halo kampaña iha ne'ebá”, deklara nia. (*)