Login to your account

Username *
Password *
Remember Me

Domin ba Povu Obriga Família Isabel Ferreira Envolve-an iha Politika

Kandidatu Prezidente Repúblika (PR) independente períodu 2022-2027, Isabel da Costa Ferreira. Kandidatu Prezidente Repúblika (PR) independente períodu 2022-2027, Isabel da Costa Ferreira. Foto Suplay

Tempotimor (Dili)-Kandidatu Prezidente Repúblika (PR) independente períodu 2022-2027, Isabel da Costa Ferreira deklara, nia família envolve-an iha polítika, tanba Domin ba povu ne’ebé obriga hakarak halo mudansa iha sosiedade.

“Ema balun bele halo pergunta, la’en Primeiru Ministru tiha ona, fen hakarak mai tan sai prezidente repúblika, sira hanoin sira mak di’ak liu de’it atu ukun nasaun ida ne’e?. Hakarak hatete ba ita-boot sira se haree ba poder, ha’u Isabel Ferreira lakohi hamriik iha ne’e hanesan kandidatu”, dehan nia hafoin hala'o kampaña eleitorál iha munisípiu Lautein, sesta (04/03).

Tanba iha kompromisu politika ne'e hatete klaru ona, hakarak kandidata-an ba Prezidente Repúblika la'ós atu hetan osan hodi serve de’it ba ninia-an rasik, maibé hakarak sai inan ba nasaun hodi hadi'a netik povu ki'ik sira-nia moris.

“Se hanoin de’it ba ami-nia an, ami la mai ho poder ida ne’e, tanba buat ne’ebé ami iha hanesan família sira seluk natoon ona, oan tolu de’it la presiza buat barak, maibé la hanoin de’it ba ami-nia família, tanba hadomi povu no rai ida ne’e, mak ami hakarak mós partisipa iha politika atubele kontribui ba nasaun”, esplika nia.

Ho Razaun fudamental ida ne'e, mak Kandidatu Isabel da Costa Ferreira hakarak hamrik iha palku polítika hodi atu kontribui dezenvolvimentu nasaun ida ne'e nian.

“Ha’u dehan ona, ha’u-nia kandidatura ba prezidente repúblika atu mai ho objetivu no mehi ida ba rai ida ne’e, ba povu ida ne’e paz estabilidade no moris di’ak ba povu no rai ida ne’e”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2025 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28    

Tempo Timor Networks

Online Counter