Print this page

AJAR Lamenta Minoridade Envolve iha Kampaña Eleitorál

Diretor Ezekutivu Asia Justice and Rights (AJAR), José Luis de Oliveira. Diretor Ezekutivu Asia Justice and Rights (AJAR), José Luis de Oliveira. Foto Suplay

Tempotimor (Dili)-Diretor Ezekutivu Asia Justice and Rights (AJAR), José Luis de Oliveira, lamenta funsionamentu Komisaun Nasionál ba Elisaun (CNE) ho Institutu Protesaun ba labarik la funsiona, kontrola partidu Politiku sira envolve labarik minoridade iha komprimisu Eleitorál.

Kampaña Prezidensiál iha tinan uluk, observadór sira rekolmenda ona ba partidu Polítiku ho orgaun kompetente sira iha tempu kampaña eleitorál labele envolve labarik minoridade sira, tanba sira seidauk iha direitu ba vota.

“Ida ne’e mai ha’u lamentavel tebes, tanba partidu polítiku sira la aparende no la konsidera rekomendasaun sira husi observadór sira hato’o kona-ba kampaña tinan uluk, envolve labaraik idade minoridade sira tanba sira seidauk iha direitu ba vota”, dehan José Luis, liuhusi telefone, sábadu (05/03).

Tanba labarik sira ba partisipa hotu iha kampaña nia la komprende sei lori buat aat, ezemplu iha kampaña kadidatu sira hasai liafuan sira la edukativu hodi insulta malu ho liafuan ne’ebé la di’ak ida ne’e labarik ki’ik sira sei halo fali aat liu hodi afeta ba labrik sira-nia formasaun.

Nune’e líder partidu polítiku sira labele envolve labarik iha kampaña, tanba iha tinan uluk akontese partidu polítiku sira envolve labarik ida ne’e mak observadór sira husu tenke hadi’a iha eleisaun prezidensiál ida agora.

“Ita lamentavel tebes no pior liután mak autoridade relevante sira hanesan orgaun Komisaun Nasionál ba Elisaun sira (CNE) ho Instituisaun Protesaun Labarik nunka hasai avizu ruma atu bandu labarik sira iha tempu kampaña ida ne’e ita lamentavel tebes”, afirma nia.

Tuir lolos líder partidu polítiku no orgaun CNE ho Instituisaun Protesaun ba Labarik aprende ona lisaun sira iha kampaña eleisaun presidensial sira iha tinan uluk, buat neebe mak la di’ak tenke hadi’a agora, maibé ida kontinua repete buat ne’ebé la di’ak iha passadu mai futuru.

Tanba ne’e atu evita situasaun sira hanesan ne’e, ekipa susesu ho líder kandidatu Prezidente Repúblika sira tenke hasai avizu ida ba inan aman sira atu proteze sira-nia oan, bandu oan idade sei ki’ik labele tuir kampaña.

“Sitausuan ne’e akontese, ha’u husu CNE ho Institutu protesaun labarik ne’ebé sai observadór iha tempu kampaña tenke halo intervensaun imediata iha tereinu hodi hasai medida ruma ba PNTL atu halo atuasaun”, dehan nia.

Bainhira kandidatu Prezidente Repúblika ida mak la obedese ba regra husi palku elisaun pasifiku ne’ebé asima, durante tempu kampaña labele insulta malu tenke hatudu hanesan líder di’ak, maibé viola regra ida ne’e la’ós líder di’ak, bainhira sai prezidente númeru dahuluk iha Timor-Leste sei hatudu hahalok ida la di’ak ba nasaun no povu.

“Líder di’ak atu sai ema númeru dahuluk iha Timor-Leste mak la kumpri ba regra, hatudu ezemplu ladi’ak ba povu, ha’u hanoin nia la merese atu sai prezidente repúblika”, deklara nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items