Tanba, iha orariu mini kampaña husi kandidatu, Maria Angela Freitas da Silva, realiza iha Jinaziu Vila Nova, Postu Baukau Vila, hahú husi oras 10:00 remata iha oras 18:00, maibé realiza fali mini kampaña tipu iha Suku Buruma, Postu Administrativu Baukau.
"Ida ne'e mak ha'u dehan, hanesan supervizaun iha Munisípiu, ha'u sei relata ba komisaun kompetente iha nasionál," dehan Esmeraldo, iha kna'ar fatin vila nova, sesta (04/03).
Tanba mini kampaña ne'ebé realiza iha Suku Buruma, la fó kuiñesementu ba CNE, oinsá ofisiál supervizaun inklui parte seguránsa hatene hodi halo observasaun iha tereñu.
"Enkuantu hanesan ne'e, iha karta kuiñesementu antes, hodi nune'e ami bele deskola ami nia ofisiál ba ne'eba," nia akresenta
Tanba, ofisiál supervizaun ne'ebé destaka iha CNE Baukau, funsaun atu halo supervizaun ba aktividade kampaña sira.
"Agora ita ba halo tiha fali iha fatin ida, fó orariu mai (CNE) iha fatin seluk, ita bo'ot (kandidatu Maria Ângela Freitas da Silva) ba realiza fali iha fatin seluk, ne'e labele," nia argumenta
Aktu ne'e, kompetensia tomak iha juridiku nasionál mak foti dezisaun, tanba ne'e, husu kandidatu sira la mantein ho orariu ne'ebé iha no hasoru problema ruma ba perturbasaun ho kandidatu seluk, labele fó sala ba CNE, maibé hanesan sidadaun pasiensia iha morál fó kuiñesementu malu, nune'e bele hatene.
Enkuantu ofisiál supervizaun atu halo observasaun ba kampaña husi kandidatu na'in-16 iha Munisípiu Baukau, hamutuk na'in-154. (*)