Login to your account

Username *
Password *
Remember Me

Xanana ‘Orienta’ Vikekeoan ‘Taka Ibun’ iha Kampaña

Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão. Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão. Foto Suplay

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, orienta Vikekeoan taka ibun iha kampaña eleitorál ba Kandidatu Prezidente Repúblika, José Ramos Horta iha munisípiu Vikeke, sesta (04/03).

Desizaun Xanana hodi orienta apoiuante sira iha Vikeké, atu respeitu regra kampaña ne'ebé estabelese husi Komisaun Nasionál ba Eleisaun sira (CNE) hodi fó ezemplu di'ak ba kandidatu seluk.

“CNE avizu mai ita hothotu, imi hothotu, kaer (lori) karreta hotu, motorizada, fila ho didi'ak, hala neneik, lalika hakilar tun sa’e, tanba ita fó ezemplu katak, ita-nia kamapaña la'ós halo runbu mai iha rai laran”, haete nia hafoin hala'o kampaña loron datoluk ba Kandidatu Prezidente Repúblila (PR), Jose Ramos Horta, nian iha Postu Administrativu Vikeké Villa, Munisípiu Vikeké, sesta (04/03).

Durante iha kampaña, Xanana mós fó hanoin ba eleitór no militante partidu CNRT iha munisípiu Vikeké katak kampaña ba loron datoluk nian ne'ebé mak realiza iha Vikeké Vila, hanesan meiu ida, atu fanun eleitór sira atu ezerse sira-nia diretu votu iha eleisaun loron 19 fulan-marsu.

Maibé husu atu haree no fihir didi’ak hodi vota ba kandidatu ho númeru 14, José Ramos Horta ne'ebé mak iha kapasidade asume kargu Prezidente Repúblika períodu 2022-2027.

Kandidatu Prezidente Repúblika (PR), José Manuel Ramos Horta, promete sei servisu hamutuk ho Governu atu lori investimentu sira husi nasaun estranjeiru sira ne'ebe dezenvolvidu atubele mai investe iha munisípiu hotu inklui Vikeké.

“Para hadi'a agrikultura iha Vikeké, e aumenta komérsiu Vikeké ho Dili, ida ne'e tenke liuhusi estrada, oinsá ho servisu Governu, fó idea ba Governu, tulun Governu oinsá ita bele dada investimentu husi rai liur mai”, hatete nia.

Maske, Prezidente Repúblika la'ós Primeiru Ministru, no Ministru Ekonómia, maibé nia hanesan embaixadór númeru ida Timor-Leste nian.

Tanba ne'e, Prezidente Repúblika bele halo promosaun investimentu no bele dada investimentu mai Timor, tanba Prezidente Repúblika mai husi figura ne'ebé mak koiñesidu, no bainhira nia ko’alia investidór sira iha estrajeiru, ne'e investór sira sei rona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter