"Ita halo ona deslokasun ba ofisiál supervizaun sira ba nivél Postu hanesan Postu Baguia, Laga, Kelikai, Vamase no Venilale," dehan Esmeraldo iha knár fatin vila nova, kuarta (02/03).
CNE Baukau mós hato'o karta kuiñesementu ba Admistradór Postu Admistrativu sira hanesan Postu Baguia, Baukau Vila, Laga, Kelikai, Venilale no Vemase, atu bele fó atensaun no tau matan.
Prezensa ofisiál supervizaun iha tereñu atu observa direita kondisaun estrada no distánsia inklui estrada, nune'e bele fasilita Inan-aman idozu sira partisipa iha tempu elisaun.
Alende ne'e, atu identifika mós sentru votasaun no estasaun votasaun inklui kondisaun fatin, infraestrutura sira, nune'e bainhira matérial sensitivu no naun-sensitivu sira halo distribuisaun ba tereñu ho kondisaun seguru.
"Ofisial supervizaun CNE atu akompaña rekrutamentu husi STAE brigadista sira hamutuk 125 no prosesu formasaun ba fiskais sira ba poling staf iha kada sentru votasaun sira," nia hatete
Enkuantu Ofisiál Supervizaun na'in-125 tuir ona formasaun husi Sekretáriadu Tékniku Administrasaun Eleitórál (STAE) Munisípiu Baukau durante loron 3, ne’ebé hahú husi loron 21-23 fulan-fevereiru tinan 2022 iha salaun sentru konvensaun vila antiga Baukau. (*)