“Ha'u bele hateten ba ita-boot sira iha karta nia laran maun boot nia kualidade hanesan ema pesoa eminente hatete katak ita nu'udar paíz frazil nasaun ne'ebé liu ona konflitu, ita deplora ita kondena invazaun ne'ebé Rúsia halo ba Ukránia, ita mós akompaña situasaun Ukránia e ita haree katak komunidade ho líder mundiál sira envesde de sira promove diálogu maibé sira hatudu sira-nia preparativu militár atu halo funu”, dehan Helder da Costa ba jornalista sira iha Rezidénsia ofisiál PM Faról segunda (28/02)

Liuhusi Karta ne'ebé mak Pesoa Eminente Xanana Gusmão haruka ba internasionál no haruka Copia ida ba Primeiru Ministru (PM), Taur Matan Ruak.

“Ami mós fó karta stetmentu ida ne'ebé ita-nia Maun boot Xanana nia kualidade hanesan Pesoa Eminente nia emite ona stetmentu ida ke aas tebes haruka ba komunidade internasionál kona-ba situasaun iha Ukránia”, nia deklara.

Alende ne'e nia bolu atensaun ba komunidade internasionál atu respeita nafatin ema sira iha Ukránia nia dignidade atu hapara sira-nia invazaun maibé hari’i paz.

“Nia bolu atensaun ba komunidade internasionál atu respeita dignidade entre ema sira iha Ukránia atu halo atividade sira-nia ejemónika ho invazaun e maun boot Xanana nia kualidade pesoá eminente ne'ebé hadomi paz nia rasik ohin emite karta ida ne'e ohin ami fó copia ida ba Primeiru Ministru, hanesan ema umanu ita hatudu ita-nia preokupasaun haree ba ita-nia invazaun ne'ebé akontese”, afirma nia.

Alende ne'e Primeiru Ministru (PM), Taur Matan Ruak, husu ba Ekipa g7+ atu kontinua serbisu nafatin, hatudu nafatin nasaun ida rekonsiliadór ne'ebé inspira nasaun seluk.

“Imi kontinua servisu nafatin hamutuk ho Ministériu Estranjeiru hodi projeta ita-nia rain kontinua hanesan paíz fundadór paíz ne'ebé rekonsiliadór ho paíz ne'ebé inspiradór ba rai seluk”, haktuir nia. (*)