“Dimensaun haat mak, fíziku, mentál, espirituál no intelektuál ne'e importante tebes atu hodi rai ida ne'e ba oin, obra as’uain ida ne'e tenke mantein nafatin, hodi kontinua ho jerasaun as’uain ne'ebé ho dimensaun haat ne'e ha'u dehan, fizikamente sira tenke prontu, rezulta ba mentalidade ho espirituál ne'ebé di'ak, ense ba intelektuál para halo kompetetivu tanba ne'e setór sira ne'ebé liga ba joven ne'e importante tebes atu konstrui hametin joven ne'ebé forsa atu la'o ba oin”, dehan Mariano ba Jornalista sira iha Kampus Universidade da Paz (UNPAZ), Aimutun, sábadu (26/02).

Iha Estadu direitu demokrátika ne'e importante ba joven mileniál sira atu kompete ho nasaun Viziñu sira, maibé prepara-an didi’ak, tanba joven sira mak sei lori nasaun iha futuru.

“Ha'u hanoin Estadu direitu demokrátika ne'e importante ba joven mileniál sira-nia kompetetivu ho rai sira ne'ebé iha ita-nia sori-sorin, hanesan Indonézia ho Austrália e joven ne'e mak futuru ita-nian”, afirma nia.

Reitór Universidade da Paz, Adolmando Soares Amaral hatete, diálogu ne’ebé halo ho Kandidatu Prezidente Repúblika Asanami, oinsá bele fahe hanoin sira ne’e ba nia joventude Milinál sira ne’e bele komprende kona-ba konseitu Paz.

“UNPAZ nia pozisaun ne’e, naran Paz, oinsá ita bele lori ita-nia joventude sira Milineál sira ne’e bele komprende kona-ba konseitu Paz, no transforma sira-nia mentalidade para sira bele afirma sira-nia estatutu hanesan estudante universidade”, haktenik Reitór.

Tanba sai estudante tenke hatene aman, oan no esperitu santu, sira tau ida ne’e sai hanesan sentru ba sira, saida de’it mak joven sira halo iha sira-nia kareira, nia objetivu sei atinje.

Universidade da Paz (UNPAZ) realiza semináriu ho tema jerál “Transformasaun Mentalidade Jerasaun Mileniál iha Konstrusaun Estadu Direitu Demokratiku” ho objetivu dálogu ne’e nu’udar parte ida ba sidadaun hotu ne’ebé iha interese boot kona-ba asuntu trasformasaun mentalidade jerasaun Mileniál. (*)