Login to your account

Username *
Password *
Remember Me

Brigada LAT no GKJT Kontinua ‘Mehi’ Lere Hetan Vitoria iha Eleisaun

Brigada Lere Anan Timur (LAT), halo hela Konferénsia Imprensa iha Largo Lesidere, hodi fó vitoria ba kandidatu Prezidente Repúblika, Lere Anan TImur, iha sábadu (26/02). Brigada Lere Anan Timur (LAT), halo hela Konferénsia Imprensa iha Largo Lesidere, hodi fó vitoria ba kandidatu Prezidente Repúblika, Lere Anan TImur, iha sábadu (26/02). Foto Tempo Timor

Tempotimor (Dili)-Brigada Lere Anan Timur (LAT) hamutuk kontinau deklara Kandidatura Prezidente Repúblika, Tito da Costa Cristovão ‘Lere Anan Timur’, sei hetan vitoria iha eleisaun Prezidensiáll 19 marsu 2022, maske deklarasaun sei sai hanesan mehi, tanba seidauk iha serteza.

Portavoz Brigada Lere Anan Timur, Rigo Gautula hatete, sira garante kandidatura Lere Anan Timur ho númeru sorteiu 8 sei eleitu sai prezidente repúblika ba povu tomak hotu hakotu impase no situasaun seluk iha rai laran.

“Sim, Brigada LAT fiar Tenente Jenerál Reformadu Lere Anan Timur sei sai vitória iha eleisaun prezidensiál, tanba ami fiar katak so Jenerál Reformadu Lere mak sei hakotu imparsia politika ne'ebé akontese iha RDTL, ami garante, so jenerál reformadu Lere mak iha responsabilidede, promove diálogo bele rezolve problema imparsia politika iha ita-nia rai”, deklara Rigo Gautula, iha Largo Lesidere, sábadu (26/02).

Brigada Lere Anan Timur, fó votu konfiansa tomak ba kandidatura indepedente komadante Revolusionáriu Lere Anan Timur atu hetan vitoria iha Eleisaun Prezidensiál hodi servi povo no estadu RDTL.

Tanba Tenente Jenerál Reformadu mai ho nia Filozofia katak, Marka Diferensa, Laiha osan atu fahe ba povo Timor, maibé iha domin, unidade, Paz, Estabilidade, Solidaridade, no Justisa, mk xave ba

Timor laran tomak, konsisten, organiza, determinadu hodi fó vitoria ba kandidatura Prezidente Repúblika Lere Anan Timur.

Nune’e mós Grupu Kiik Juventude Tibar (GKJT) promete sei servisu maka’as atu lori Tenente Jenerál Reformadu, Tito Cristovao" ‘Lere Anan Timur’ ba Palasiu prezidente Repúblika.

“Dala ida tan, ami hotu ne'ebe halibur iha ne'e, fo ami-na apoiu,

Inkondisionalmente, ba Aman Jenerál Lere Anan Timur no Ami promete atu servisu maka’as hodi Aman Lere ba Palásiu Prezidente Repúblika de Nicolau Lobato”, dehan Portavoz GKJT, Sonia Hale Fatima, iha Aldeia Libaulelo-Tibar, Likisá sábadu (26/02).

Hafoin halo tiha leitura politika ba kandidatu ida-idak nia perfil nia programa no objetivu estratejiku sira ba povu no estadu ida ne'e, ba Períodu 2022-2027 sai hanesan períodu ida ne'ebé kritiku teb-tebes, atu

hametin filafali konstitusaun no funsionamentu orgaun demokrátiku e estabilidade polítiku ekonómika ba povu liuhusi diálogo no rekonsilasaun.

“Ami foó ami-nia apoiu inkondisionál hotu ba ita-nia aman Jenerál Lere Anan Timur, ami fiar duni katak iha nia lideransa, nia sei halo nia esforsu tomak atu hari’i fali unidade entre lideransa sira iha nasaun ida ne'e, hodi hametin estabilidade no hodi fasilita prosesu tranzisaun ida sustentavel ba futuru Timor-Leste ida di'ak liu”, afirmania.

Tanba ne'e, Grupu Kiik Juventude Tibar fiar metin, Jenerál Reformadu Lere, bele dignifika liután ba povo Timor-Leste nia luta ba ukun rasik-an ho progresu, dezenvolvimentu no modernizasaun.

“Ho politika ne'ebé Grupu Kiik Joventude Tibar iha no garante mak, sei hakbesik-an ba sira-nia maluk joventude seluk atu vota ba jenerál reformadu Lere no la siknifika atu hadau militante sira husi partidu seluk, maibé tempu mak to’o duni ona Jenerál reformadu atu ukun”, deklara nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter