“Nu’udar sidadaun ida responsável ha'u konkorda ba ida ne'e, tanba lingua portueza ne'e lingua ida ne'ebé mak ofisiál, mais labele uza fali ida ne'e nu’udar arma politika ida hodi hamate fali parte balun, ida ne'e ha'u la konkorda”, hatete nia ba www.tempotimor.com liuhusi telefone, sesta (25/02).

Nu’udar sidadaun ne'ebé mak hakarak aprezenta-an sai kandidatu Prezidente Repúblika, iha responsabilidade tomak atu kumpre ba regra Komisaun Nasionál ba Eleisaun sira fó sai atu debate ho lian-portugéz.

Tanba ne'e, garante ona iha konstituisaun artigu 13 katak Timor-Leste iha lian-ofisiál rua hanesan Tetun ho Portugéz, ne'ebe sei uza hotu.

Maibé husu atu haree filafali lei eleitorál ne'e, hakerek debate lian-portugéz iha ne'eba ka la'e, tanba ema hotu hatene ona katak Timor-Leste nia lian ofisiál Tetun no Portugéz, maibé tanba sá mak ida ne'e foin mosu iha ultima ora.

Tanba ne'e propoin atu labele iha arma politika ne'ebé mak subar iha oportunidade ida ne'e bainhira ida ne'e mak mosu siknifika atu kontinua nafatin fomenta ba hahalok vingansa odiu politika ne'ebé mak la'o hela. (*)