Login to your account

Username *
Password *
Remember Me

MFSHP Apoiu Horta-Xanana ho Ezijénsia Dada Kadoras Mai TL

Movimentu Foin Sa’e Hadomi Paz (MFSHP) hala'o hela konferénsia imprensa iha iha Delta-4, hodi fó apoiu ba Xanana Gusmão ho Kandidatu Prezidente Repúblika, José Ramos Horta, sesta (25/02). Movimentu Foin Sa’e Hadomi Paz (MFSHP) hala'o hela konferénsia imprensa iha iha Delta-4, hodi fó apoiu ba Xanana Gusmão ho Kandidatu Prezidente Repúblika, José Ramos Horta, sesta (25/02). Foto Suplay

Tempotimor (Dili)-Movimentu Foin Sa’e Hadomi Paz (MFSHP) deside fó apoiu ba kandidatu Prezidente Repúblika, José Ramos Horta no Prezidente Partidu Congresso Nacional de Reconstrução de Timor (CNRT), Kay Rala Xanana Gusmão atu lidera Governu dasia, maibé ho ezijénsia ne’ebé aas dada kadoras Greater Sunrise mai Timor-Leste.

Tanba ezijénsia ne’ebé aprezenta husi Gupu no movimnetu hirak ne’ebé durante ne’e fó apoiu ba líder na’in-rua ne’e bainhira kaer ukun iha orgaun Estadu hanesan Prezidente Repúblika (PR) períodu 2022-2027 no Primeiru Ministru (PM) període 2023-2028, bele responde mehi dada kadoras mai rai maran Timor-Leste.

“Ami jerasaun foun nia mehi hakarak mina tenke dada mai ita-nia rain hodi bele kria kampu servisu barak liután ba ita-nia joven no kombate ki'ak hodi hakat ba dezenvolvimentu”, esplika Portavoz Movimentu Foin Sa’e Hadomi Paz (MFSHP), Jeferiano Quefi, iha Delta-4, sesta (25/02).

Dadauk ne’e, Movimentu Foin Sa’e Hadomi Paz deside fó apoiu Jose Ramos Horta nu’udar kandidatu Prezidente Repúblika nomós Xanana Gusmão nu’udar Primeiru Ministru ba eleisaun parlamentar tinan 2023.

Tanba haree katak luta ba soberania tasi Timor-Leste, Xanana Gusmão ho Ramos Horta hamutuk mak bele realiza mehi ida ne'ebé povu Timor-Leste hein hela kona-ba dada kadoras greater sunrise mai rai laran hodi bele kria kampu servisu ba Timoroan no hadi'a dezenvolvimentu.

Maske luta ne'ebé Xanana Gusmão ho ekipa Gabinete Fronteira Marítima no Timoroan Fransisco Monteiro no Gualdino da Silva lidera la'ós fasil tanba hasoru nasaun jigante hanesan Austrália ne’ebé riku no matenek, maibé Xanana konsege lori Timor hatudu pozisaun aas iha mundu.

Tanba liuhusi prosesu konsilasaun foin ba dahuluk akontese ba Timor-Leste hodi lori Austrália ba tribunál rezolve ho ulun malirin iha Tribunál Internasionál Deng-Haq-Olanda.

Ho ida ne'e, Timor-Leste sente orgullu b aluta ne’ebé Xanana halo, maibé presiza dada kadoras greater sunrise mai iha Beaco-Vikeké hodi fó kampu servisu ba joven sira.

Koordenadór Konsulta Ba Masa, Valendinho Auxilio Soares de Jesus hatete, dadauk ne’e sira hahú organiza hela membru hamutuk ema na’in- 68 iha Suku Komoro, Aldeia São José hodi tama sai uma komunidade atu buka apoia ba kandidatu PR José Ramos Horta.

Nu’udar jerasaun foun, hakarak fó apoiu tomak kandidatu José Ramos Horta, atu kontinua luta ba interese Estadu tanba hanesan nia ema ne’ebé hanoin globál no universál ba nasaun ida ne'e no bele ko’alia barak iha ASEAN no mundu. (*)

Rate this item
(1 Vote)
Last modified on Saturday, 26 February 2022 11:48
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter