Login to your account

Username *
Password *
Remember Me

CNRT ‘Akuza’ Deputadu PLP ‘Abandona’ Deklarasaun Taur

Vise Xefe Bankada CNRT, Patrocino Fernandes. Vise Xefe Bankada CNRT, Patrocino Fernandes. Foto Suplay

Tempotimor (Dili)-Bankada Congresso Nacionál de Reconstrução de Timor (CNRT) iha Parlamentu Nasionál (PN) akuza Deputadu sira husi Bankada Partidu Libertasaun Popular (PLP) durante ne’e abandona hela deklarasaun husi Primeiru Ministru, Taur Matan Ruak, ne’ebé kritika membru Governu balun impede dezenvolvimentu durante ne’e.

“Deputadu ida ne'ebé horseik halo deklarasaun mós dala ruma ladún akompaña katak dekarasaun Sekretáriu Estadu fó sai kona-ba inkapasidade de governasaun, la'ós de'it Sekretáriu Estadu ne'e mak halo deklarasaun, e propriu Primeiru Ministru rasik rekoñese katak ninia Governu ida ne'e governasaun inkapasidade ne'e ka la’e”, dehan Vise Xefe Bankada CNRT, Patrocino Fernandes, ba www.tempotimor.com iha Parlamentu Nasionál, kuarta (23/02).

Tanba Primeiru Ministru rasik rekoñese iha ninia governusaun inkapasidade tanba halo deklarasaun indika ba Ministru na'in-tolu ne'ebé impede dezenvolvimentu no la hatene halo servisu.

“Halo deklarasaun indika ba nia Ministru na'in-tolu ne'ebé impede dezenvolvimentu e lahatene halo servisu, ne'e deklarasaun ne'ebé hatudu katak Primeiru Ministru rasik rekoñese ninia membru Governu sira inkapasidade”, afirma nia.

Ba deklarasaun ne'ebé hasai husi deputadu PLP ne'e normal, tanba atu halo defeza krítiku ne'ebé mak hamosu husi Gil Oan Soru iha Governu hanesan membru Governu.

Deputadu Partidu Libertasaun Popular (PLP) iha Parlamentu Nasionál (PN), Noe da Silva "Buka Tuir", kontra Sekretáriu Estadu Antigu Kombatente Libertasaun no Veteranu, Gil da Costa Monteiro ‘Oan Soru’, husi Partidu Congresso Nacional de Reconstrução de Timor (CNRT), ne'ebè hola parte iha Governu daualu, krítika Primeiru Ministru (PM), Taur Matan Ruak laiha kapasidade.

“Iha pontu ida ha'u hakarak mós atu protesta de'it membru Governu balun, liliu señor Gil Monteiro ‘Oan Soru’ ne'ebé mak sai hanesan Sekretáriu Asuntu Veteranu ninian hanesan membru Governu ida, bainhira nia halo konsolidasaun partidu ninian hanesan Vise Prezidente ba Partidu CNRT, loloos nia hanesan membru do Governu ne'e, nia ba halo asuntu partidu nian labele tama iha Governu, ke nia to'o protesta Governu, primeiru ministru nia inkapasidade”, dehan Deputadu Noe da Silva "Buka iha plenária PN, segunda (22/02).

Antes ne’e, Primeiru Ministru (PM), Taur Matan Ruak, kritika maka’as Ministériu Obras Públika (MOP) Ministériu Planu no Ordenamentu (MPO) no Ministériu Finansas (MF) ne’ebé hatudu prestasaun ladi’ak impede dezenvolvimentu no rekupera infraestrutura iha tinan 2020 no 2021.

“Ha'u la hatene iha Diretór jerál iha Obras Públika nian, planu ordenamentu nian, Ministériu Finansas nian, ha'u ko’alia instituisaun tolu ne'e tem haver ho fundu infraestrutura, fundu infraestrutura ninia prestasaun la di'ak iha tinan kotuk pursentu ruanolu-resin-neen (26%) Planu Ordenamentu, Obras Públikas, dada malu tun sa'e ADN (Ajensia Dezenvolvimentu Nasionál) tama tan, aprovizionamentu tama tan, dezastre naturál 2020 no 2021 seidauk rekupera hotu”, dehan Taur bainhira nia halo enkontru ho nível Diretór Jerál sira iha Salaun Ministeriu Finansas, Aitarak Laran, segunda (07/02).

Primeiru Ministru preokupa situasaun ne’e, tanba tauk Ministériu relevante sira laiha vontade atu haree assuntu infraestrutura sira.

"Hodi bainhira iha Konsellu Ministru ha'u dehan, ha'u tauk este Governu vai deixar as infraestrutura em pior doque recebeu, ha'u tauk ke ita-nia rapidez laiha demora, estuda, dada tun dada sa'e ita husik hela infraestrutura ida pior liu fali kuandu ita tama”, afirma nia.

Tanba ne’e, Ministériu relevante sira tenke halo esforsu tau matan ba rapidez ho sira seluk tenke lalais, ho planu no programa ba tinan ida tenke halo kedan no labele dada fali.

"La rai ba aban, buat ne'ebé ohin nian ita tenke halo, matabisu tenke hán matabisu ita-boot rai tan meudia nia ai-hán iha fali ona, matabisu rai halo saida?. Entaun para ida ne'e, metodolojia de traballu ne'e supervizaun, planu ne'e importante uluk”, hatete nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter