Login to your account

Username *
Password *
Remember Me

Items filtered by date: Wednesday, 26 August 2020

Thursday, 27 August 2020 07:28

PNTL Sosializa ‘Anti Krime’ iha Kampus

Tempotimor (Dili) - Polisia Nasionál Timor-Leste (PNTL) liuhusi Komandu Munisípiu Dili hala'o atividade sensibilizasaun informasaun ba estudante universitáriu sira iha kada kampus hodi habelar servisu polisia nian atu bele servisu hamutuk hodi kombate krime iha kapitál Dili.

Published in Seguransa Defesa

Tempotimor (Dili) - Maski Timor-Leste livre ona husi surtu Coronavirus Disease 2019 (Covid-19) durante fulan ida-liu hafoin pasiente 24 hetan liberdade husi sala izolamentu, maibé bainhira tama ba fulan-Agostu TL rejista kedas kazu importadu foun 3.

Published in Saude

Tempotimor (Dili)- Governu liu-husi husi reuniaun Konsellu Ministru delibera ona atu propoin ba Prezidente Republika Francisco Guteres Lú Olo hodi estende tan Estadu Emerjensia (EE) dalima ho durasaun loron 30.

Published in Politika

Tempotimor (Dili)-Relasiona ho planu governu atu rekupera ekonomia rai laran, Sosiedade Sivil husu governu atu investe iha setor agrikultura.

Published in Politika

Tempotimor (Dili)-Vise Prezidente Parlamentu Nasionál husi partidu KHUNTO, Luis Roberto da Silva, deklara, PN prontu apoiu governu bainhira governu hanoin katak iha nesesidade atu hamosu tan Estadu Emerjensia dalima.

Published in Politika

Tempotimor (Dili) - Relasiona ho preokupasaun públiku kona-ba regalias oioin ne'ebé deputadu Paralementu sira goza, hahú  husi alojamentu US$ 450 to'o harii uma luxu hetan reasaun husi deputadu sira.

Deputadu Bankada FRETILIN, José Agustinho Sequeira Somotxo, prefere liu mantein osan alojamentu ba deputadu sira maibe la presiza halo tan uma luxu.

"Se ohin loron orsamentu ba alojamentu se ida ne'e deit mos laiha problema, la presiza halo uma luxu ba deputadu sira", dehan nia, ba jornalista sira, iha Parlamentu Nasionál, Kuarta (26/08).

Maibé kona-ba harii edifisiu PN, tuir Somotxo, iha futuru kuandu iha nesesidade konserteza órgaun soberania ida ne'e tenke iha dignidade atu iha rezidénsia, tanba Timor-Leste la'ós taka aan nia mesak iha ne'e, maibé iha mós relasaun ho komunidade internasionál.

"La presiza halo uma luxu iha rezidénsia ba deputadu sira, maibé iha kompleksu laran, hau hanoin tenke iha gabinete para deputadu sira bele hala'o servisu, se ida ne'e mak konsidera hanesan uma luxu", hatete nia.

Planu atu kria uma ba povu kbiit laek, nia dehan, bainhira iha ona planu ne'e kompeténsia ministériu ida-idak ninia, tanba kada instituisaun ida-idak mai ho ninia kompeténsia rasik.

"Kompeténsia Parlamentu Nasionál nian ho ninia orsamentu rasik mak identifika ninia problema sira ne'ebé mosu iha ParlamentuNasionál, tanba nia nu'udar lejizladór aprova osan no fiskaliza osan, tan ne'e ha'u hanoin Parlamentu Nasionál laiha nesesidade halo uma ba ami deputadu sira," dehan nia.

Nia hatutan, karik iha nesesidade halo uma, signifila ida ne'e la'ós ba deputadu sira, maibé ida ne'e ba Estadu nian.

"Se ha'u-nia mandatu iha lejizlativu ida ne'e remata uma ne'e la'ós ami mak atu hela, tanba ida ne'e uma estadu, Iha futuru ne'e deputadu sira sei tuir mai, sira ida agora ne'e remata sei iha para tuir mai," dehan Somotxo.

Ne'e duni, reprezentante povu ne'e afirma, maski povu iha razaun para atu reklama, maibé dalaruma Timor-Leste laiha nivel atu kompara ho parlamentu husi nasaun seluk. Tanba ne'e, hanesan país ida atu dignifika nia órgaun Estadu hanesan PN, Tribunál, Governu, Prezidente Repúblika. (*)  

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Published in Politika

Tempotimor (Dili) - Atu realiza asaun pasífiku kontra Prezidente Repúblika, grupu Rezisténsia Nasionál Defende Justisa no K-RDTL ne'ebé lidera husi Ângela Freitas no Ai-Tahan Matak halo kobransa ba povu ki'ik sira.

Portavós grupu Rezisténsia Nasionál Defende Justisa no K-RDTL, Ângela Freitas, rekonese halo kobransa ba povu hodi bele apoiu finansia asaun ne'ebé bele la'o.

"Kona-ba orsamentu hodi apoiu ba manifestasaun ne'e, ami iha ne'e kada ekipa ida-idak hala'o ninia servisu, entaun tuun ba baze hodi rekolla iha povu sira saida mak sira bele no tuir sira nia kbiit", dehan nia, ba jornalista sira liuhusi konferénsia imprensa, iha nia rezidénsia Formoza, Dili, Kuarta (26/08).

Ângela dehan, kontribuisaun ne'ebé sidadaun sira fó ekipa RNDJ-KRDTL rekolla hotu ona.

"Kualkér kontribuisaun ami simu no ami mós la'o tuir ami-nia kbiit, ne'ebé osan hira mak kada sidadaun sira fó ami labele ko'alia sai, tanba ko'alia kona-ba rezisténsia ne'e ema hotu hatene tanba ne'e estraga nasaun," tenik nia.

Ângela dehan, ema ne'ebé sei partisipa iha asaun pasífika ne'e liu rihun 200, ne'ebé mai husi munisípiu 12 inklui Rejiaun Administrativu Espesiál Oekusi-Ambenu (RAEOA).

Tuir planu, grupu Rezisténsia Nasionál Defende Justisa no K-RDTL sei realiza ninia asaun iha loron 4 Setembru 2020. Fatin ne'ebé indikadu ona maka Tasi-Tolu no Bekora.  

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Published in Politika
Wednesday, 26 August 2020 13:50

Ângela Konsidera Lere Ditadura

Tempotimor (Dili) - Relasiona asaun kontra Prezidente Repúblika, husi Ângela Freitas ho ninia girupu maka Xefe Estadu Maiór Jerál F-FDTL, Majór Jenerál Lere Anan Timur, husu atu labele provoka situasaun.

Jeneral Lere fó alerta ba Ângela Freitas ho ninia grupu sira labele hamanas fali situasaun iha rai-laran bainhira prosesu hotu-hotu sei la'o di'ak hela.

La simu deklarasaun Jenerál Lere nian, Ângela Freitas konsidera Lere implementa polítika ditadura tanba uza farda militár ameasa sidadaun.

"Forsa sira lei la autoriza hodi mete polítika, tanba ne'e dala barak ha'u hatete, ita labele aplika fali polítika ida ditadura. Polítika ida ditadura ne'e uluk Indonézia nia tempu uza farda hodi halo ameasa ba sidadaun sira, agora ne'e nasaun demokrátiku, ne'ebé tenke respeita sidadaun sira-nia hanoin, tanba sira mós faz parte ba rai ida ne'e," dehan Ângela, ba jornalista sira, iha liuhusi konferénsia imprensa, iha nia rezidénsia Formoza, Kuarta (26/08).

Nia afirma, nu'udar dirijente polítika no sidadaun iha direitu atu proteje konstituisaun. Ne'e duni, la'ós tempu ona uza farda ameasa sidadaun ne'ebé hakarak rekere sira-nia direitu.

"Ha'u hanoin ne'e hanesan polítika, entaun ita tenke iha maturidade, atu enfrenta situasaun iha kualkér momentu," tenik Ângela.

Maski husi deklarasaun Jenerál Lere nian ne'e Ângela konsidera hanesan ditadura, maibé nia rasik mós konkorda ho ameasa ne'e tanba Jenerál Lere hanoin di'ak ba Timor-Leste. (*)  

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Published in Politika

 

Tempotimor (Dili) – Vise-Prezidente Parlamentu Nasionál (PN), Luís Roberto da Silva, husu ba Governu atu presiza kria desizaun polítika oinsá mak fasilita estudante sira iha rai-laran.

Kona-ba osan subsídiu ba estudante iha rai-liur no rai-laran, nia dehan, molok ne'e Parlamentu Nasionál aprova ona osan ba ida ne'e.

Ho subsídiu ne'e nia konsidera governu hamosu diskriminasaun, tanba estudante sira iha diretu hanesan maibé fó subsídiu de’it ba rai-li'ur no la fó ba estudante sira iha rai-laran.

Ne’e duni, nia fó hanoin ba governu tenke haree hotu ba estudante iha rai-laran tanba estudante sira iha rai-laran maioria foho oan no mai hela iha sidade maka eskola, entaun sira iha diretu asesu ba subsídiu husi governu.

"Relasiona ho subsídiu ne'ebé distribui ba ita-nia estudante sira rai-laran no rai-li’ur, iha momentu ne'e parlamentu aprova ona orsamentu tokon US$ 150 ba fundu Covid-19. Ho osan ida ne'e maka governu ezekuta balun hodi responde ba ita-nia estudante sira naun bolseiru no bolseiru sira iha rai-li’ur," deklara Visé Prezidente PN, ba jornalista iha PN, Kuarta (26/8).

Roberto hatutan, parlamentu husu nafatin ba iha governu hodi haree, tanba enkuantu sira mós husi foho mak mai iha sidade kapitál Dili, entaun presiza mós orsamentu ba ida ne'e.

Molok ne'e, Prezidente Parlamentu Nasionál (PN), Aniceto Guterres, mós promete sei tatoli Ba governu kona-ba preokupasaun subsídiu ba estudante rai-laran. (*)

Published in Politika
Wednesday, 26 August 2020 12:39

Ángela: Taur ho Lú-Olo La Serve Ukun TL

Tempotimor (Dili)-Portavoz Rezisténsia Nasionál Defende Justisa no Konstituisaun RDTL (RDNJ-KRDTL) Ángela Freitas konsideraTaur Matan Ruak no Francisco Guterres Lú Olo la merese ukun ona Timor-Leste tanba sira idade la'ós produtivu no viola tiha ona K-RDTL.

Tuir Angela, idade hanesan Primeiru Ministru Taur Matan Ruak no Prezidente Republika Francisco Guterres Lú Olo la serve ona ukun TL.

Tanba, Ángela hatutan, bainhira uza nafatin ema ne'ebé liu ona tinan reforma nian, mak sei lori problema boot ba Timor-Leste.

"Se ita mak uza nafatin ita-nia lider sira ne'ebé la produtivu ona mak ba oin ita sei hasoru problema boot, tanba ne'e tempu to'o ona, ita-nia inan no maun sira ne'ebé idade tama ona reforma ka la produtivu ona ne'e, reforma ona, par oportunidade ba jerasaun foun sira atu jere ita-nia nasaun ne'e," dehan Angela iha konferensia imprensa iha Sede Nasional RNDJ-KRDTL, Bairro Formoza, Kuarta (26/08)

Portavoz ne'e mós hatete, lider na'in rua ne'e viola ona K-RDTL tanba ne'e la merese ona kaer ukun.

"Sira viola tiha ona K-RDTL, tanba ne'e mak husu sira-nia konsiénsia, ita labele halo abuza de poder tuir ita-nia hakarak no gostu, tanba nasaun RDTL ne'e iha ninia regra, tanba ne'e iha konstituisaun para atu orienta sira atu ukun," dehan nia.

Aleinde ne'e, Ángela liga mós kazu soe bebé ho kapasidade ukun husi PM Taur no PR Lú Olo.

Tuir nia, feto barak mak soe bebé tanba Taur ho Lú-Olo la hatene ukun.

"Tanba saida mak agora ema soe bebé barak, sunu uma, hana malu, tanba lei laiha, lei ne'e nai ulun sira mak sama tiha ona, ekonomia paradu, arte-marsial ne'ebé la merese sai partidu polítiku, sai fali partidu polítiku, tanba koloka ema sala hodi ukun," Ángela hatete.

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Published in Politika
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2020 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter