"Iha 2021, ba estrada pontes ita halo projetu iha Munisípiu Manufahi, iha projetu 29 kuaze 168 kilometru (km) ne'ebé konstitui husi estrada rurál iha 19 projetu porvolta 121 km, ba halo manutensaun estrada rurál ida ne'ebé ita konstrui tiha ona tanba la iha manutensaun estrada sira ne'e bele at labele fasilita komunidade sira”, dehan Ministru Salvador iha Munisípiu Manufahi, segunda (10/01).
Dadaun ne'e iha Institutu Jestaun no Ekipamentu (IJE) ne'ebé durante ne'e loke mós estrada ba suku sira mak hahú no hadi’a estrada sira seluk.
"Iha mós atendimentu seluk melloramentu estrada liuhusi institutu Jestaun no Ekipamentu iha lokalizasaun neen (6) purvolta 29.5 kilometru loke estrada foun, iha lokalizasaun haat (4) purvolta 20.4 kilometru”, afirma nia.
Haree ba IJE nia funsionamentu atu halo servisu imediata, fasilita provizoriamente komunidade sira iha terrenu hodi lori produtu sira ba merkadu no atividade.
Maibé kona-ba estrada iha instituisaun Estadu nafatin hamosu biriokrasia ne'ebé sei nafatin difikuldade iha Ajénsia Governu nian.
"Bee ho eletrisidade ita reforma ona laiha biriokrasia barak, maibé estrada kontinua nafatin funsiona hanesan Ajénsia baibain atu promive sei perkore fundu infraestrutura, ADN verifika lai, KAFI aprova lai, loke tender lai, e depois fó Ministériu Obras Públika”, esplika nia. (*)