Print this page

Populasaun Manufahi Pursentu 82 Asesu ona Bee-moos

By January 10, 2022 621
Administradór Munisípiu Manufahi, Arantes Isaac Sarmento. Administradór Munisípiu Manufahi, Arantes Isaac Sarmento. Foto Suplay

Tempotimor (Manufahi)-Administradór Munisípiu Manufahi, Arantes Isaac Sarmento informa, populasaun iha Munisípiu Manufahi kuaze pursentu 82 asesu ona bee-moos no saneamentu sira.

"Setór bee-moos, no saneamentu ambiente, ida ne'ebé Munisípiu serbisu hamutuk ho parseiru sira hodi halo kanalizasaun ho sistema bee ba ita-nia komunidade sira hamutuk pursentu 82 (82%) ba populasaun sira mak asesu ona ba bee-moos no sei falta pursentu balun mak seidauk”, dehan Arantes Isaac Sarmento iha ámbitu vijita Primeiru Ministru (PM), Taur Matan Ruak Iha Manufahi, segunda (10/01).

Nune’e mós parte infraestrutura iha Munisípiu Manufahi ne'ebé mak planeadu atu halo reabilitasaun estrada hamutuk kilometru 43, no infraestrutura nasionál ba rejionál liuliu estrada ne'ebé hadi’a ona hamutuk kilometru 25.

Maibé komunidade hamutuk aldeia 80 mak dadaun ne’e seidauk asesu liña eletrisidade.

"Iha parte EDTL iha suku 29 aldeia 137 iha Munisípiu Manufahi suku 14 aldeia 57 asesu ona eletrisidade no sei falta suku 5 no aldeia 80 mak seidauk asesu ba eletrisidade”, hatete nia.

Iha Munisípiu Manufahi rejista benefísiariu Hanesan veteranu hamutuk 2.982 no Difisiénsia hamutuk 286, no Idozu sira hamutuk 6.099 no totál husi bolsa da mãe hamutuk 3.051. (*)

Rate this item
(0 votes)
Last modified on Monday, 10 January 2022 12:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items