"Ikus ho permisaun sua eselénsia ninian, iha tempu kmanek ida ne'e, e hanesan servidór Munisípiu Manufahi ninian mós hakarak halo komprimissu ida iha durante entidade sira hotu ninia prezensa iha ne'e tanba iha tinan hirak ba kotuk, sua eselénsia hodi elimina moras Tubercoluse tanba ida ne'e mak hanesan servidór do povu hakarak deklara katak Munisípiu Manufahi ho nia entidade hotu prontu ona hodi deklara komprimissu hodi hapara iha nível Munisípiu nian”, hatete  Arantes iha nia Aprezentasaun relatóriu anual tinan 2021 ba Primeiru Ministru (PM), Taur Matan Ruak iha Munisípiu Manufahi, segunda (10/01).

Komprimissu hirak ne'e atu alkansa objetivu husi Primeiru Ministru no Ministeriu Saúde ne'ebé asiste husi Ministru Administrasaun Estatál iha tinan 2021.

"Ho deklarasaun ida ne'e ami sei servísu kle'an liután ho autoridade lokál sira, Igreja, polísia, organizasaun sosiedade sivíl sira hotu no autoridade saúde no parseiru dezenvolvimentu sira iha Munisípiu Manufahi”, afirma nia.

Tanba ne’e, kria Ekipa Task Force ida ne'ebé mak dadaun ne'e estabelese ona hodi hapara moras Tubercoluse (TBC) iha tinan 2023.

Nune'e populasaun iha Munisípiu Manufahi ne'ebé simu ona vasina hamutuk pursentu 85,8 (85.8%). (*)