Print this page

Komunidade Bobosusu Kontinua Halerik ba Infraestrutura Bázika

By November 19, 2021 544
Xefe Suku Bobosusu, Postu Administrativu Fatuberliu, Munisípiu Manufahi, Estanislão Borges. Xefe Suku Bobosusu, Postu Administrativu Fatuberliu, Munisípiu Manufahi, Estanislão Borges. Foto Suplay

Tempotimor (Dili)-Xefe Suku Bobosusu, Postu Administrativu Fatuberliu, Munisípiu Manufahi, Estanislão Borges deklara, durante ukun-an komunidade suku Bobosusu halerik hela ba infraestrutura bázika, tanba seidauk iha estrada no ponte inklui mós eletrisidade hodi fasilita komunidade sira.

"Ami hakarak hato'o ba sua eselénsia katak, postu Fatuberliu iha suku 5 ne'ebé mak suku 3 iha sidade, suku 2 iha área rurál ami durante ukun-an até agora ami nafatin enfreta hela problema, primeiru estrada, segundu mota 2 ne'ebé fasilita suku mai musnisípiu, munisípiu mai suku até a data laiha ponte, agora ha'u mai ne'e motorizada ha'u leva de'it husi mota", dehan nia bainhira halo diálogu ho Prezidente Repúblika, Francisco Guterres ‘Lú Olo’, iha salaun Parokia Manufahi, kuarta (17/11).

Iha mós problema eletrisidade ne’ebé konunidade seidauk asesu, tanba estrada la di'ak hodi difikulta komunidade sira-nia atividade iha tempu kalan.

Nune'e Xefe Suku Fahinehan, Postu Administrativu Fatuberliu, Cipriano Vasco haktuir, durante okupasaun Indonézia to'o uku n-an suku fFhinehan la asesu ba estrada, bee-moos no eletrisidade.

Vise Ministru Administrasaun Estatal, Lino de Jesus Torrezão hatete, problema infraestrutura bázika iha ona programa Governu liuhusi Programa Nasionál Dezenvolvimentu Suku (PNDS) ne’ebé sei responde:

"Ko'alia kona-ba estrada, ha'u atu defensia de'it estrada ne'e estrada urbana, estrada rurál, agora iha estrada rurál ne'e infraestrutura bázika ne'ebé mak Ministériu Estatal nia programa PNDS mak kaer”, esplika Lino de Jesus Torrezão .

Maibé kona-ba mota ne'ebé estraga ponte, ne'e Obras Públika nia kompetensia atu haree situasaun sira ne’e, hodi bele fasilita konunidade. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com