Login to your account

Username *
Password *
Remember Me

Administradór Alas Husu Governu Hasai Kompaña Abandona Projetu

Administradór Postu Administrativu Alas, Munisípiu Manifahi, Leopoldo Barreto. Administradór Postu Administrativu Alas, Munisípiu Manifahi, Leopoldo Barreto. Foto Tempo Timor

Tempotimor (Manufahi)-Administradór Postu Administrativu Alas, Munisípiu Manifahi, Leopoldo Barreto husu ba Prezidente Repúblika (PR), Francisco Guterres 'Lú Olo', koordena servisu di'ak ho Governu Sentrál atu hasai kompaña abandona projetu iha Munisípiu Manufahi, Postu Administrativu Alas.

"Ita rekomenda ho haraik-an husu sua eselénsia nia disponibildade atu halo koordenasaun servisu di'ak ho Governu Sentrál, hodi bele minimiza ou di'ak liu halakon tiha projetu sira ne'ebé mak sempre akontese tinatinan abandona iha terenu", dehan nia iha  partisipasaun diálogu ho PR Lú Olo iha Salaun Parokial Manufahi, kuarta (17/11).

Rekomenda ba Xefe Estadu atu halo koordenasaun servisu di'ak ho Governu Sentrál hodi haree kona-ba kooperasaun servisu sira ne'ebé Governu delega ba iha Munisípiu.

Tanba Postu Alas iha suku 5 foin suku ida mak asesu ba eletrisidade, suku 3 seluk foin oituan no suku 1 tomak mak seidauk asesu ba eletrisidade no populasuan postu Alas maioria seidauk asesu ba eletrisidade no Estrada.

Nune'e mós liga ba inundasaun ne'ebé akontese iha postu Alas tanba impaktu mai husi planu infraestrutura rasik hodi sobu estrada husi Turiskai no Mandelu.

"Durante ne'e ita esforsu, kada tinan-tinan hanesan normalmente tau ba planu setor dezenvolvimentu estrada, ponte no eletrisidade, maibé ita-nia planu munisípiu mai nasionál, durante ha'u-nia mandatu tinan 6 ona susar atu hetan pozitivu husi Povernu sentral ho razaun orsamentu laiha no ikus 2020 ne'e pandamia no dezastre impaktu hodi labele aprova orsamentu ba ita-nia planu sira ne'ebé ita halo", afirma nia. 

Kompaña 3 (tolu) ne’ebé karreta hela projetu eletrisidade, estrada mó ponte iha Munisípiu Manufahi mak kompaña Nando de Vita sub kompaña SAMBOYO, kompaña Wenistard no Sponsor Veteranus Konsesion.

Iha postu administrativu Alas ho totál uma-kain hamutuk rihun-2-resin no populasaun 9.083. (*)

 

Rate this item
(0 votes)
Last modified on Wednesday, 17 November 2021 12:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter