Login to your account

Username *
Password *
Remember Me

Komunidade Alas 'Fakar Sai' Difikuldades Ba Xanana-Horta

Eis-Prezidente Republika (2002-2007) no Eis-Primeiru Ministru IV -V Governu Konstitusional (2007-2015), Kay Rala Xanana Gusmão ho Eis-Prezidente da Republika (2007-2012) José Ramos Horta hakat dadauk ba vizita komunidade Suku Mahakida, Postu Alas, Munisípiu Manufahi (25/9) Eis-Prezidente Republika (2002-2007) no Eis-Primeiru Ministru IV -V Governu Konstitusional (2007-2015), Kay Rala Xanana Gusmão ho Eis-Prezidente da Republika (2007-2012) José Ramos Horta hakat dadauk ba vizita komunidade Suku Mahakida, Postu Alas, Munisípiu Manufahi (25/9) Foto Tempo Timor

Tempotimor (Alas)- Leopoldo Barreto ne'ebé hanesan Administradór ba Komunidade iha Postu Alas, Munisípiu Manufahi relata situasaun no kondisaun moris ba Eis-Primeiru Ministru IV governu Kay Rala Xanana Gusmão ho Eis-Prezidente Republika periodu (2002-2007) José Ramos Horta.

Tuir Nia, populasaun iha Postu Alas maioria vida agrikultura, nune'e maske governu deklara Estadu Emergensia ba dala lima ona, maibé laiha ema ne'ebé hamlaha ba hahan, tanba iha produtu lokal sufisiente atu moris.

"Kbit laek ne'ebé eziste nanis mai husi impaktu politika ne'e barak mak iha, tanba realidade agora barak loos, maibé Estadu Emergensia mak impaktu ba hamlaha ne'e lae, hanesan agrikultura fos mak susar atu hetan, maibé ai-han produtu lokal sira iha sufisiente atu moris", dehan Administradór Alas hafoin vizita Lider Nasionál na'in rua Kay Rala Xanana Gusmão ho José Ramos Horta iha Suku Mahakida, sesta (25/09).

Estadu hasai ona osan liu 15 biloeins Dollar Amerikano dezde 2002, maibe iha okaziaun hasoru malu refere, Cristovao Pereira Sances hanesan xefe Suku Mahakida akresenta, difikuldades ne'ebé populasaun hasoru mak, to'o agora suku no aldeia barak sidauk asesu ba Estrada, Bee Mos  no Eletrisidade.

"Ami iha ne'e, barak mak to'o oras ne'e ahi la tama, estrada laiha bee laiha, estrada tempu uda ami labele la'o, tempu bailoron ne'e mak diak ituan ne'e", Nia sublina

Hatan ba lia husu husi Administador postu Alas, lider karismatiku Kay Rala Xanana Gusmão husu ba autoridade lokal sira hatama lista Ferik Katuas sira nian, atu bele hetan netik apoiu ruma.

"Husu ba autoridade sira atu hatama lista Ferik Katuas sira nian, atu sira bele hetan apoiu ruma husi estadu atu goza netik iha sira nia moris ikus nian", dehan Xanana.

Hafoin, Administrador Postu Alas haktuir mos situasaun moris populasaun ne'ebe sempre moris iha hakmatek laiha konflitu liga ho situasaun politika maibe sira preokupa ho sira nia atividade agrikultura.

"Maioria sira moris ho agrikultura no funsionariu ituan de'it, situasaun jeral mai iha ne'e, durante ami moris hakmatek, problema ituan iha, maibé laiha ligasaun ho politika, konflitu ki'ik ne'ebé mosu entre komunidade ne'e, partikular entermus hadau malu plantasaun, animal to'os ba sasan hirak ne'e, maibé ba politika lae",tenik Nia

Nune'e mos iha Juventude barak inklina an iha grupu desportu oi-oin sira inklui mos artemarsiáis, maibé husi tinan 2015 to'o agora laiha konflitu ne'ebé mosu tanba artemarsiáis.

"Sidauk iha grupu ida ba ataka grupu ida", Nia afirma

Entertantu, Postu Alas Munisípiu Manufahi iha populasaun 10. 273 habitantes ne'ebé kompostu husi Suku 5 no aldeia 19.

Rate this item
(0 votes)
Last modified on Saturday, 26 September 2020 09:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter