Login to your account

Username *
Password *
Remember Me

MAPKOMS Rona Direta Probelma Komunidade Turiskai

Ministru Assuntu Parlamentar no Komunikasaun Sosiál (MAPKOMS), Francisco Martins da Costa Perreira Jerónimo, halo dialogu ho komunidade iha Suku Manumera, Portu Administrativu Turiskai. Ministru Assuntu Parlamentar no Komunikasaun Sosiál (MAPKOMS), Francisco Martins da Costa Perreira Jerónimo, halo dialogu ho komunidade iha Suku Manumera, Portu Administrativu Turiskai. Foto Tempo Timor

Tempotimor (Turiskai)-Ministru Assuntu Parlamentar no Komunikasaun Sosiál (MAPKOMS), Francisco Martins da Costa Perreira Jerónimo, halo diálogu ho komunidade iha Suku Manumera, Postu Administrativu Turiskai, Munisipiu Manufahi iha loron 25 fulan-Marsu tinan 2022, hodi rona direta probelama komunidade sira.

"Diálogu ida ne'e, ita halo atu ema hotu bele hato'o sira-nia liberdade espresaun atu espresa ita-nia direitu tanba ne'e mak Programa IIIV Governu nian liuhusi atividade Governu iha komunidade nia leet. Governu komunidade nia leet atu hato'o ba komunidade saida mak Governu sei halo no saida mak komunidade sira enfrenta iha terenu”, dehan Ministru Francisco Jerónimo, iha Postu Administrativu Turiskai, Munisípiu Manufahi, sesta (25/03).

Ba programa ne’e kria atu Governu no komunidade hakbesik-an ba malu atu loke komunikasaun ida bele tranzmite informasaun kontinua ba populasaun iha territóriu tomak, nune’e permite Governu atubele rona diretamente povu sira-nia preokupasaun no dezafiu ne’ebé mak durante ne'e sira hasoru.

“Ita asesu ba informasaun hanesan direitu ida ba sidadaun hotu, labele iha diferensa entre informasaun ne’ebé to’o ba komunidade sira ne’ebé iha Dili no ba área rurál sira”, hatete nia.

Ho ida Governu planeia hodi hadi’a meius hotu ne’ebé disponivel atu nune’e informasaun sira labele lakon, tanba ne'e mak Governu kria programa ida hanaran ‘Governu iha Komunidade nia leet’ tenke eziste no kontinuasaun sei to'o iha Munisípiu hothotu.

Administradór Postu Administrativu Turiskai, Adriano Da Costa, agradese ba Ministru bele to'o ona iha sira-nia fatin liuhusi programa “Governu iha Komunidade nia le'et”, tanba ne’e kontente tebes liuhusi atividade vizita refere.

“Ami hato'o ami lian kona-ba prekupasaun husi komunidade postu Turiskai ninian no lori ami-nia lian ba Governu sentrál kona-ba nesesidade dezenvolvimentu iha setór hothotu iha Munisípiu”, dehan nia.

Xefe Suku Manumera, Isabel de Jesus mós agradese ba MAPKOMS tanba bele to’o iha Suku Manumera, Postu Administrativu Turiskai ho programa Governu hodi rona povu nia preokupasaun.

“Ami-nia prekupasaun mak insfraestrutura bázika hanesan estrada, Bee-moos, edukasaun, saúde, kultura no defisiensia sira. Enkuantu eletrisidade iha Suku rua mak tama ona maibé Suku sia mak seidauk asesu ba eletrisidade tanba ne'e ami sugere atu suku hothotu bele asesu eletrisidade”, hatete nia.

Entertantu komunidade iha Postu Administravtivu, Suku sanulu-resin-ida, Aldeia hatnulu ho nia totál populasaun hamutuk 6.993. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter