Items filtered by date: Sunday, 02 May 2021

Tempotimor (Dili)-Sentru Integradu Jestaun Krize (SIJK) rejistu kazu pozitivu covid-19 foun hamutuk na'in-48, na’in-ida ho idade 12.

Published in Saude

Tempotimor (Dili)-Rezolusaun kona-ba Konfinamentu Domisiliáriu Jerál iha kapitál Díli, hodi fó espasu ba Merkadu Taibessi no Manleuana loke nafatin iha tendénsia habita surtu Covid-19 iha Munisípiu Díli.

Published in Politika

Tempotimor(Dili)-Kondutór transporte públiku husu governu reaponsabiliza, tanba durante loron ida nia laran la hetan pasajeiru hodi bele tula, atubele sustenta moris loroloron.

Published in Politika

Tempotimor (Dili)-Pasiénte covid-19 ida ho inisial FdR baixa iha sala izolamentu Vera Cruz, hakotu ona iis, iha loron domingu (02/05), maizumenu tuku 07:00 otl.

Published in Saude

Tempotimor (Dili) - Iha Domingu, loron 02 fulan Maiu tinan ne'e, Polisia Nasional Timor-Leste (PNTL) liuhusi komandu munisipiu Dili, detein sidadaun na'in 24, tanba vióla regra Serka Sanitáriu (SS) ho atividade ezersísiu ka hasai kosar iha tempu dadeersan.

Published in Seguransa Defesa

Tempotimor (Díli)-Pesoál saúde ne’ebé responsável ba izolamentu husik livre pasiénte sira iha kuarentena Tasitolu joga karta.

Pasiénte covid-19 ida iha izolamentu Tasitolu ho inisial EQdC, ba www.tempotimor.com katak, durante sira tama iha izolamentu Tasitolu, laiha regra ruma mak bandu sira oinsá halo distansiamentu sosial no fiziku.

"Ami tama iha ne'e, livre hela, balu halimar joga karta tan, balu voleibol ho tebe bola", informa nia liuhusi telefone, sábadu (01/05).

Bainhira sira tama iha izolamentu Tasitolu, pasiénte labele halo asaun ruma hasoru médiku sira, tanba ameasa sei halo extensaun ba prazu tempu bele to'o fulan ida mak foin autoriza fila ba uma, maske tuir prazu tempu normál, to'o de'it loron sanulu-resin-haat iha izolamentu.

"Iha ne'e, ema balu tama kleur ona, balu to'o fulan ida liu ona, maibé seiduak sai, tanba kontra doutor sira", haktuir nia.

Iha loron 27 fulan-maiu, nia de deside ba halo teste swab iha Sentru Kovensaun Díli ho razaun atu hala'o atividade servisu móvel iha Munisípiu sira.

Maibé, iha kinta (28/04), bainhira nia ba rona fali rezultadu husi médiku sira, hatudu pozitivu covid-19, nune'e ambulánsia, transporta kedan ba kuarentena Tasitolu.

Kona-ba hahán, sira sempre tuir oras normál, matabisu kafé ho paun, meiudia tuku sanulu resin-ida liu, hahú almosu, no tempu kalan.(*)

Published in Saude

Tempotimor (Dili)-Governu liuhusi Ministériu ba Asuntu Parlamentáres no Komúnikasaun Sosiál (MAPKomS) kongratula jornalista sira iha selebrasaun loron mundial liberdade imprensa.

Selebrasaun loron liberdade imprensa ne’ebé kada tinan sempre komemora iha loron segunda (03/05), atu fó apresiasaun no korajen nafatin ba ema ne’ebé servisu iha meiu komunikasaun liuliu mídia sira iha mundu.

Tanba ne’e, Ministru Asuntu Parlamentar no komunikasaun Sosial, Francisco Martins Jerónimo, iha ninia mensajen ba selebrasaun loron ne’e, atu apresia no kongratula ema hotu ne’ebé hala’o kna’ar iha mídia sira iha mundu inklui Timor-Leste..

Nasaun Timor-Leste maske foin restaura ninia independesia ba dala19, maibé konstituisaun Repúblika garante ona Liberdade imprensa, iha artigu 40 ne'ebé ko'alia (Liberdade espresaun no informasaun), no artigu 41 (Liberdade imprensa no meiu komunikasaun sosiál nian sira).

Ho ida ne’e, Ministru Francisco hatete, Governu konstitusionál daualu kontinua komprometidu atu promove bebeik dezenvolvimentu setór komunikasaun sosiál nian no dezenvolvimentu ba ninia padraun profisionál sira.

Nune'e, iha situasaun ne'ebé difísil, Governu liuhusi Ministériu ba Asuntus Parlamentares, aloka nafatin verba orsamentu iha fundu Covid-19 nian hodi apoiu ba Jornalista liña frente sira.

Iha mós apoiu ba kampaña publisitaria sira kona-ba prevensaun no mitigasaun COvid-19 no hakbi’it kapasidade orgaun komunikasaun sosiál sira atu iha kondisaun para halo servisu iha periodu pandemia ida ne’e, nu'udár parte integradu ida iha planu rekoperasaun ekonomiku nian. (*)

Published in Politika

Tempotimor (Dili)- Ministru Asuntu Parlamentar no Komunikasaun Sosial (MAPKomS), Francisco Jerónimo, promete sei hadi’a antena transmiter rádiu komunidade sira ne’ebé aat.

Maibé, sei hein situasaun covid-19 la'o normal hafoin parte tékniku ba rádiu hadi’a hodi bele fasilita filafali informasaun ba komunidade sira.

Problema ne’ebé rádiu komunidade enfrenta mak kondisaun balun di’ak no balun seidauk seidauk, maibé sei bele haree hafoin pandemia remata.

“Ita-boot sira-nia antena, dalaruma transmiter aat beibeik, tau anin entaun halo sasán sira ne'e at hotu, maibé situasaun normal, sei fó instrusaun ba sira ne’ebé toma konta ba rádiu, atubele hadi'a sasan”, dehan Francisco wainhira halo konferensia Zoom ho responsável rádiu komunidade, Palásiu governu, sesta (30/04).

Maibé, kona-ba edifísiu la di'ak no komputer laiha ka aat, sira toma nota no sei halo diskusaun ho liña ministerial hodi bele kompleta.

“Ha’u hanoin ita presiza halo tanba ami mós hakarak ita-boot sira servisu la'o ba oin, ita-boot sira servisu la'o ho di'ak buat ne'ebé aat ita hotu hamutuk atu hadi'a tanba buat hirak ne'e sai preokupasaun ba ita hotu nia”, afirma nia.

Ba preokupasaun ne’ebé hato’o husi responsável rádiu komunidade, Ministériu la promete hodi responde hotu, maibé sei fasilita buat balun ne’ebé presiza.(*)

Published in Politika

Tempotimor (Dili)-Prezidente Partidu Demokrátika (PD), Mariano ‘Asanami’ Sabino hatete, traballadór Timoroan sai asuwain, tanba luta traballadór timoroan sira mak kontribui dezenvolvimentu nasaun Timor-Leste ba oin.

Ho ida ne’e, Família PD fó parabéns ba traballadór mundu tomak ne’ebé selebra nia loron iha loron 01 fulan-maiu, tanba kontribuisaun traballadór mak muda mundu sai sivilizadu, modernizadu no mundu ne’ebé mak ho teknolojia ne’e obra traballadór sira-nian.

“Ba Timor-Leste, traballador hothotu ne’ebé iha rai laran no rai liur, Inglaterra no Irlanda, imi mak asuwain, imi- nia luta mak kontribui para Timor la’o ba oin. Imi-nia kontribuisaun ohin loron boot liu setór hothotu sai númeru daruak depois minarai”, deklara Asanami iha Sede Nasional PD, Kolmera, sábadu (01/05).

Tanba ne’e mak servisu saída de’it mak traballadór halo iha liur valór as tebes ba konstrusaun estadu, ba konstrusaun nasaun.

Maibé, tempu to’o ona atu iha rai laran hadi’a saláriu traballadór sira-nian. Traballadór sira iha ne’ebé de’it tenke sente katak servisu ho seguru hanesan ema no servisu la’ós hanesan atan.

“Ita- nia luta atu forma ema hothotu hanesan, ita-nia servisu la’ós sai fali fatór ida diskrinima ema. Ita-nia papel mak diferente, maibé importante mak hothotu ba ita-nia rai”, afirma nia.

Asanami mós lori família boot PD nia naran hato’o parabéns no prontu luta hamutuk ho traballaór, tanba iha situasaun agora, ema ne’ebé mai husi rai liu vensimenti di’ak no ema ne’ebé nu’udar rai na’in vensimentu kiik.

“Ita tenke munda situasaun ida ne’e, hamutuk ita muda situasaun ida ne’e, hamutuk ita dignifika malu, hamutuk ita dignifika nasaun”, dehan nia.(*)

Published in Politika

Tempotimor (Dili)-Sentru Integradu Jestaun Krize-Sala Situasaun (SIJK-SS) deteta tan kazu foun pozitivu covid-19 iha territóriu Timor-Leste hamutuk 120, maibé Munisípiu Dili mak kontinua okupa iha primeiru lugár ho kazu 116.

Koordenadór Forsa-Tarrefa ba Prevensaun no Mitigasaun Surtu Covid-19, Rui Maria Araújo deklara, kazu detetadu foun ne'ebé relata iha loron 01 fulan-maiu 2021, hamutuk 120, iha Kapitál Dili kazu 116, no kazu haat seluk deteta iha Munisípiu sira.

"Husi totál kazu detetadu foun ohin, mane 62, feto 58. Asintomátiku nain 114 (95%), 51 (42,5%), mak deteta pozitivu tanba halo teste ho razaun atu hala'o viajen ba munisipiu ka estranjeiru", hateten Rui liuhusi karta komunikadu ne'ebé www.tempotomor.com asesu iha Segunda (01/05).

Totál kazu konfirmadu komulativu sura husi loron (21/04) iha ona 2396, rekpuradu iha 43, no totál kazu ativu ba loron sábadu (01/05) 1239.

Durante loron rua, Laboratóriu Nasional Saúde (LNS) 1169 mak testes PCR iha Díli, ho detalladu, izilánsia sentinela iha 70, restreiu ba kontatu 147, restreiu aleatóriu 334, sira ne'ebé viájen sai husi serka sanitária iha Munisípiu Dili iha 575, viajen internasionál iha 8, follow up iha kuarentena hamutuk 55.

Totál teste PCR ne'ebé halo iha loron 30 fulan-abríl iha Munisípiu sira seluk hamutuk 328, mak Baukau 165, Ermera 50, Maliana 42, Maubisse ho RAEOA laiha, Suai 20, no Vikeke iha 51.

Teste follow up ba sira iha fatin izolamentu hamutuk 62, na'in-43 negativu ona, maibé na'in-19 sei nafatin pozitivu. (*)

Published in Saude
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter