Login to your account

Username *
Password *
Remember Me

PAM Manatutu Konsidera Sesta Bázika Hamenus Povu Husi Hamlaha

Prezidente Autoridade Munisipiu (PAM) Manatuto, Bernardo Lopes. Prezidente Autoridade Munisipiu (PAM) Manatuto, Bernardo Lopes. Foto Tempo Timor

Tempotimor (Manatuto)-Prezidente Autoridade Munisipiu (PAM) Manatuto, Bernardo Lopes, konsidera programa sexta bázika ne'ebé governu hamosu, atu hametin povu nia kohe kidun iha uma kain ida-idak nian, ne'ebé lakon no estragus durante dezastre naturál inundasaun iha loron 04 Abril liuba.

"Iha komplikasaun oioin ne'ebé mosu. Ema hanoin sesta bázika ne'e projetu leilaun. Ema barak mós hanoin sesta bázika ne'e sai hanesan projetu ida riku. Sesta bázika ne'e mosu tuir ami-nia lia tetun terik dehan katak, Governu atu hametin ita-nia kohe kidun iha uma ida-idak. Tuir ami-nia interpretasaun iha ami-nia lia tétum terik", dehan Bernardo Lopes, liuhusi diskursu ba enseramentu sesta bázika, iha Salaun Administrasaun Minisipál, kinta (16/09).

Maibé, dala-ruma ema balu transforma no interpreta situasaun, husi buat ida ne'ebé ki'ik, sai buat ida ne'ebé boot, no buat ida ne'ebé komplikadu liu-ba nia-an rasik.

"Loos duni, objetivu husi sesta bázika ne'e atu hodi hametin, ita-nia kohe kloot, ou liliu ita-nia uma loho ne'ebé akontesimentu iha dia 04 Abril liuba, harahun hotu. Tanba ne'e Oitavu Governu konstitusionál, foti desizaun, oinsá maka bele hamoris filafali ema ida-idak nia ahi-matan, halo ahi dapur ida-idak, bele suar filafali, iha momentu ida ne'ebé difísil", hatete nia.

Iha Munisípiu Manatutu, laiha problema kona-ba sesta bázika, maibé individu no grupu balu halerik tanbasá mak seidauk simu ai-hán Sesta Bázika husi Governu, no balu simu ona, seluk laiha.

"Ha'u hatán ba sira hanesan ne'e, bin ho maun sira, karik sé imi lakohi simu, tanba imi sente seidauk natoon, ha'u agradese wain tebtebes. Buat ne'ebé naresin husi ita-boot, ha'u bele fahe fali ba sira seluk ne'ebé mais nesedidade. Ne'ebé ha'u husu ba ita-boot la mai reklama nu'udár ezijénsia bebeik", afirma nia.

Maske iha tempu badak sidadaun sira sei simu tan apoiu ruma husi Governu, maibé la'ós ona programa sesta bázika.

"Hahú husi horisehik (15/09), horibainruak, ha'u komesa fó, hahú husi Postu Administrativu Laklo, e sei ba to'o postu administrativu sira seluk", dehan nia.

Maibé agradese ba kompaña fornesedór sesta bázika, autoridade lokál no komunitáriu sira, membru PNTL, liuhusi Ofisiál Polísia Suku (OPS), tanba servisu hamutuk ona hodi estabiliza atividade hotu bele hala'o ho di'ak iha Manatutu.

"Ami fiar, sé la’e imi, sesta bázika la la'ós. Sé la'ós imi hitu sira ne'e nia apoiu, sesta bázika la la'o. Sé la'ós imi hotu nia apoiu, sesta bázika ne'e ita temi naran, ita hotu sei la simu, no ita mós sei la istóri malu tan. Maibé, tanba imi-nia apoiu, tanba imi-nia koolaborasaun di'ak, sesta bázika ne'e ba to'o duni komunidade sira-nia liman, hothotu bele simu, mezku ke balu hadau malu, balu istóri malu, maibé importante katak, buat ne'e to'o duni povu nia liman", hatete nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter