Grupu Juventude Kreativu Lakló Aprezenta-an ba SEKoop

Prezidente Konsellu Juventude postu Lakló, Augosto Correira, hatoo nia hela nia apresisaun ba governu liuhusi Sekretária Estadu Kooperativa (SEKoop), ne'ebé hili ona sira nia suku hodi lansa ofisialmente iha sede Suku Lakumesak, kinta (10/12). Prezidente Konsellu Juventude postu Lakló, Augosto Correira, hatoo nia hela nia apresisaun ba governu liuhusi Sekretária Estadu Kooperativa (SEKoop), ne'ebé hili ona sira nia suku hodi lansa ofisialmente iha sede Suku Lakumesak, kinta (10/12). Foto Midia SEKoop

Tempotimor (Lakló)- Prezidente konsellu juventude postu administrativu Lakló, Augosto Correia aprezenta servisu kooperativa ne'ebé durante hala'o husi juventude sira iha Lakló ba Sekretáriu Estadu Kooperativa (SEKoop), Elizário Ferreira kona-ba atividade oioin ne'ebé sira koopera hamutuk iha baze.

Prezidente Konsellu juventude ne'e dehan, iha postu Lakló eziste grupu rua, ida Juventude Agrikultura Lakló Anan (JALA), ne'ebé haree liu atividade produtivu sira hanesan ortikultura, kuda hahán karau nian ho seluk tan.

Ida seluk maka, Grupu Asosiasaun Hadomi Natureza nia atividade maka haree liu ba atividade protesaun ambientál ninian liuhusi kuda ai-horis hodi proteze rai labele halai iha tempu udan.

“Programa sekretária estadu nian, ha'u koko ho de'it rua iha ne'ebá kona-ba grupu produtivu, liga kedas ho ita nia alin joven sira iha ne'e. Katak, sira sira halo fatin ida ne'ebé kuda multi-sasán, hanesan modo ho buat oioin, sira mós kuda hela ai-oan iha. Presija karau maibé, karau oras ne'e seidauk iha, maibé sira nia atividade ne'e la'o até agora”, Augosto Correia hateten, Kinta (10/12).

Nia hatutan, grupu JALA kompostu husi juventude intelektu’al na’in-rua ne'ebé antes ne’e remata ona sira nia estudu iha universidade, ida ba hala'o estudu komparativu iha nasaun Izrael, maibé la buka servisu iha Dili, sira aplika matenek iha atividade kooperativa tanba servisu hamutuk ba malu.

“Ita hakarak sira nia grupu ne'e koopera fila-fali ho programa sekretaria estadu nian atu bele ba oin, sira bele involve, bele dezenvolve tan iha grupu ne'e. Tanba ida ne'e ami iha grupu rua, ida halai liu ba protesaun ba natureza, ida fali maka grupu produtu ne'ebé ke halo buat oioin, kolam ikan mós iha, kuda ai-oan mós oioin iha ne'ebá, sira mós tama hotu ba iha pekuaria ninian, tanba ai-oan ba karau mós kuda ona, no hein atu hakiak karau”, nia dehan.

Nia lori juventude Lakló tomak nia naran, apresia ho programa SEKoop nian, “sé ami nia grupu ida naran JALA ne'e nia pedidu tama iha sekretaria estadu nia fatin karik, bele aseita ami no koopera ho grupu rua ne'ebé tama iha atividade ne'e”, nia hateten.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter