Login to your account

Username *
Password *
Remember Me

Juventude Lakló Preparadu Komemora Masakre Santa Kruz

Juventude Postu Administrativu Lakló Munisípiu Manatutu iha hela diskusaun ba komemorasaun loron nasionál ba juventude Timor-Leste iha 12 Novembru. Domingu (8/11). Juventude Postu Administrativu Lakló Munisípiu Manatutu iha hela diskusaun ba komemorasaun loron nasionál ba juventude Timor-Leste iha 12 Novembru. Domingu (8/11). Foto Tempo Timor

Tempotimor (Lakló)- Juventude iha postu administativu Lakló munisípiu Manatutu kompostu husi konsellu juventude postu, grupu voluntáriu sira hanesan Juventude Agrikultura Lakló Anan (JALA) estudante Klíbur Universitáriu Lakló (KUL) asosiasaun LUCERNA Kuri Neo inklui estudante estajiáriu sira husi Universidade Nasionál Timor-Lorosa'e (UNTL) ho Universidade Díli (UNDIL), konjuntamente halo ona sira nia preparasaun hodi komemora loron nasionál juventude 12 Novembru ‘Massakre Santa Kruz’ ba dala-29, iha postu administrativu Lakló Villa.

Prezidente Konsellu Juventude Postu administrativu Lakló, Augosto Correia informa, konsellu hamutuk ho juventude iha Lakló halo hela preparasaun ba eventu ne'ebé atu realiza iha loron 10 to'o 12 fulan novembru bazeia ba oráriu husi nasionál.

Tanba ne'e, hanesan responsável juventude iha postu Lacló, Augusto dehan, relasiona ho loron nasionál juventude no massakre 12 Novembru ba dala-29, sira halo ona preparasaun hodi selebra eventu istóriku ne'e ho susesu. Komemorasaun ne’e, nia esplika, sei iha atividade oin-rua mak sira sei hala'o, hanesan obrigatóriu no extra.

Atividade extra mak atu hala'o despotu, maibé, tanba kondisaun tempu no fundus ladun soporta, entaun sira nafatin realiza de'it atividade ida obrigatóriu.

“Atividade mak hanesan semináriu ne'ebé sei hahú iha dia 10 depois iha sertame, iha reflesaun ne'ebé diríje husi madre sira, ikus liu mak missa ho kari ai-funan. Ida ne'e atividade obrigatóriu ne'ebé sei hala’o iha loron 12 novembru”, Augosto Correia ba www.tempotimor.com iha nia rezidénsia, Domingu (08/11).

Kona-ba fundus, nia dehan, governu laiha apoiu, maibé kontribuisaun fundus mai husi komunidade rasik, liu-liu veteranu sira ne'ebé fó apoiu másimu teb-tebes ba eventu ne'ebé sira atu selebra daudaun.

Koordenadór grupu Voluntáriu husi Juventude Argikultura Lakló Anan (JALA), Justino Mariano de Carvalho hatutan, selebrasaun ne'e hala'o durante loron-haat hahú husi loron segunda 09 to'o kinta 12 fulan novembru ho atividade sira ne'ebé diferente.

“Iha loron 09 limpeza jerál, loron 10 iha semináriu nível postu, dia 11 sei iha atividade sertame no iha loron dia 12 novembru sei iha missa no lori ai-funan ba tau iha rate, iha kruz boot”, nia esplika.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter