Tahagamu: Ahi Han Uma Ida, La Konsege Salva Sasán

Uma Komunidade nian ne'ebe ahi han iha Munisipiu Manatutu Uma Komunidade nian ne'ebe ahi han iha Munisipiu Manatutu Foto Tempo Timor

TempoTimor (Manatuto)- Inséndiu ne'ebé akontese iha loron sexta-feira, 25/07, iha aldeia Tahagamu, suku Lakumesak, Postu-Administrativu Lacló, munisípiu Manatuto, rezulta sasán uma-laran inklui osan hamutuk U$.500.00 la konsege salva.

Cirílio Cárceres nu'udár vítima husi inséndiu ne'e, informa akontesimentu ne'e mosu, nia ho família rasik lahatene, no derepente de'it, ahi han hotu ona uma

"Ami nia osan hamutuk U$.500. 00 ne'ebé mak durante ne'e ami rai hamutuk mós ahi han hotu, roupa no sasán sira hanesan bikan, sanan mós ami la hasai ho tan fós hamutuk karón 5 mak ami la hasai", hateten Camílio ho tríste.

Nia akresenta, alende sasan uma laran, nia materiál badaen no konstrusaun mos hetan estragus ka ahi han motuk.

To'o oras motivu husi inséndiu ne'e rasik, seidauk hatene, tanba tuir vítima ne'e, bainhira akontese inséndiu ne'e kontadór eletrisidade mos sira hamate.

Hafoin akontesimentu ne'e, iha lorokraik ne'e kedas parte autoridade tun direta hodi observa situasaun iha fatin refere, no parte vítima mós hato'o ona ba MSSI manatuto atu haree no tau atensaun urjente.

Tuir sasin Amelia Fatima haktuir, bainhira nia haree ahi han uma ne'e, nia tenta hodi viziñu sira atu ajuda hamate ahi, maibé la konsege tanbá ahi lakan lakan makaas.

"Ha'u haree ahi suar anin hu ba mai, depois hau halai ba loke odamatan hodi bolu uma nain, atu salva uma mais la konsege tanba ahi han makas loos ona, i ha'u hakilar ba viziñu sira mak mai lori atu rega mais labele ona", informa nia.

Rate this item
(0 votes)
Last modified on Monday, 27 July 2020 15:51
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.