Tempotimor (Dili)-Governu liuhosi Sekretária Estadu Kooperativa (SEKoop) hahú avalia progresu atividade distribuisaun ai-han sesta bázika ina Munisípiu hitu (7).

Ba Munisípiu hitu ne’ebé SEKoop responsábiliza hodi fahe ai-han iha programa sesta bázika mak, Covalima, Ainaru, Aileu, Likisá, Manufahe, Manatutu no Lautein.

Avaliasaun ne'e, prezide husi Sekretáriu Estadu Kooperativa (SEKoop), Elizário Ferreira, ho kargu xéfia sira hodi ko'alia kona-ba progresu distribuisaun sesta bázika iha teritóriu ne'ebé mak responsabiliza husi SEKoop.

"Ko’alia kona-ba progresu distribuisaun sesta bázika iha Munisípiu hotu, nomós relatóriu kona-ba apóiu solidarirdade ba vítima inundasaun sira, ikus liu mak progresu ezekusaun Orsamentu Jerál Estadu tinan 2021 nian”, dehan Elizário iha Sala reuniaun SEKoop, Akait, kuarta (05/05).

Aleinde ne'e, hala'o mós reuniaun ho kompaña fornesedór Sesta Bázika sira atu rona progresu distribuisaun no difikuldade hirak ne'ebé kompaña sira hasoru iha terenu.

Durante reuniaun, Diretór jerál SEKoop, Francisco Xavier husu ba kompaña fornesedór sira atu finaliza ona distribuisaun ai-han sesta bázika tenke remata hotu iha loron sábadu (15/05/2021). (*)

Tempotimor (Dili)-Sekretária Estadu Kooperativa (SEKoop) koopera ho kompaña telekomunikasaun Telemor hodi fasilita dizitalizasaun kréditu ba membru Koperativa Crédito Unian (CU) ho sistema ‘mosan’.

Tempotimor (Dili)-Kooperativa Crédito União (CU) durante tinan 18 iha ninia ezisténsia rejista ona membru hamutuk 1345 iha Timor-Leste.

Prezidente kooperativa Crédito Uniăo (CU), Raimundo José Neto hatete, kooperativaa hari’i iha fulan-juñu tinan 2003, husi sira na'in-25 de'it, maibé oras ne'e tama ona ba tinan 2021, iha totál membru hamutuk 1345.

Kona-ba kapitál ladun fiksa, maibé tuir relatóriu trimestrál ne'ebé sempre relata ba Sekretáriu Estadu Kooperativa (SEKoop) iha kapitál ne'ebé ativu no pasivu.

“Ida ne'e, ami bele dehan hamutuk ona US$600 mill ona. Pasivu ne'e, buat sira muda ba aset sira ne'e. Ativu mak osan kest ne'e iha 300 ital mill ne'ebé iha hela membru sira-nia liman”, dehan Raimundo hafoin partisipa iha sorumutuk entre SEKoop ho kompaña telekomunikasaun Telemor iha Akait, tersa (04/05).

Iha dezenvolvimentu kooperativa, sira kontribui ona ba dezenvolvimentu ba pesoál no grupu, kontribuisan ida ne'e, halo parte mós ba dezenvolvimentu nasionál.

“Ita fasilita envezde populasaun ba halo emprestimu iha banku, ho meius ida kooperativu kréditu ne'e bele fasilita mós. Osan mai husi membru, halibur hamutuk, fó filafali ba membru”, esplika nia.

Kona-ba kritériu atu empresta osan iha kooperativa CU, ladun rigurozu hanesan iha banku sira, no importante tenke sai membru.

Entretantu, kooperativa CU ne'e, rasik oras ne'e lokaliza iha Suku Bidau, Postu administrativu Cristo Rei, munisípiu Dili. (*)

Tempotimor (Dili)-Sekretária Estadu Kooperativa (SEKoop), rejista ona movimentu kooperativa hamutuk 117 iha Timor-Leste (TL).

Sekretária Estadu Koopertaiva (SEKoop), Elizário Ferreira hatete, tuir lei kooperativa sira ne’ebé hari'i, tenke rejista iha Ministériu Justisa (MJ) nomós iha baze de dadus SEKoop nian.

“Kooperativa kréditu ne'e iha 71 kooperativa, e kooperativa de produsaun ne'e 36, ho totál hamutuk 117 kooperativa ne'ebé mak eziste iha Timor-Leste”, dehan Elizário iha Akait, segunda (03/05).

Sekretáriu Estadu Elizário ne’ebé asume kna'ar iha SEKoop durante fulan sanulu konsege reativa kooperativa hamutuk 60 resin, no instala kooperativa hamutuk 33 iha postu administrativu sira, no tuir planu, tinan 2021 hari'i tan kooperativa 32, nune'e bele perkore ona ba postu administrativu hamutuk 65.

“Planu sekretária de estadu kooperativa nian ne'e, hanoin katak tinan ida ne'e atu kompleta 65 sub distritu ne'e, maibé ita sempre hetan bebeik interkalasaun husi konfinamentu, entaun ita haree para oinsá atu integra atividade sira ne'e ba oin”, afirma nia.

Ba movimentu kooperativa sira eziste ona, maibé dala-ruma difísil dezenvolve-an, SEKoop sei kontinua promove programa formasaun, edukasaun no informasaun ba membru no dirijente sira, nune'e bele hametin sustentábilidade ba futuru. (*)

Tempotimor (Díli) - Sekretária Estadu Kooperativa (SEKoop), Elizário Ferreira, partisipa iha asembleia jerál kooperativa Agro-Industry Pioneer (AIP) ne'ebé hala'o iha salaun João Paulo II, iha suku Komoro, Postu Administrativu Dom Aleixu, munisipiu Díli.

Tempotimor (Dili) - Governu Brazil ho prontidaun tomak sei tulun Sekretária Estadu Kooperativa (SEKoop) hodi dezenvolve área kooperativa haat iha Timor-Leste.

Tempotimor (Dili)-Sekretária Estadu Kooperativa (SEKoop) liuhusi Diresaun Nasionál Kooperativa Produsaun Integradu (DNCPI-sgla portugés) introduz lala’ok kooperativa ba juventude kreativu Grupu Knua Indústria Kréditu no Formasaun (KIK & F) hodi aumenta koñesimentu.

Diretora DNCPI, Jacinta dos Santos esplika, formasaun ne'e' hala'o tanba pedidu mai husi grupu juventude sira atubele kapasita sira-nia aan kona-ba lala'ok kooperativa liuhusi formasaun.

Joventude kreativu sira ne'e iha kapasidade no iha poténsia atu halo ai-han lokál liuliu batar kinur ne’ebé sira transforma ba halo kripik.

"Sira ne'e foin mak halibur-an atu halo atividade ida ne'e, maibé tanba sira hanoin atu grupu de'it, sira sente ida ne'e ladún di'ak. Sira hakarak atu inklina aan iha kooperativa. Tanba ne'e mak sira hakarak atu mai aprende lala’ok kooperativa ne'e oinsá", hatete Jacinta iha Federasaun Hanai Malu (FHM), Lanud Bairropite, kuarta (28/04).

Ho formasaun ne'e hala'o durante loron haat, bainhira remata mak sira sente iha kapasidade naton ona bele deside hari'i kooperativa.

"Sé ida ne'e mak sira sente di'ak, katak provizóriu sira nia hanoin kooperativa mak di'ak liu. Entaun, sira hakarak atu mai hatene didi'ak lala'ok kooperativa, ninia legalidade oinsá atu nune'e sira bele hari'i kooperativa", dehan nia.

Formadór SEKoop, Sancho António da Costa Ximenes haktuir, matéria ne'ebé ko'alia iha formasaun kona-ba identidade kooperativa, oinsá bele hatene kona-ba lala'ok kooperativa nian.

"Entaun, iha ne'ebá ami ko'alia kona-ba definisaun kooperativa, valor sira, no filozofia kooperativa. Ida ne'e mak ami ko'alia bá grupu kreatividade ne'e", informa nia.

Koordenadór grupu Knua Industria Kréditu no Formasaun (KIK & F), Octaviano da Costa dehan, objetivu sira tuir formasaun ne'e, tanba sira planeia atu bele hari'i kooperativa produsaun iha futuru.

"Ami atu aprende klean liután kona-ba lala'ok kooperativa nian. Ami sira ne'e kompostu husi joven hotu kedan, ami iha inisiativa rasik atu hari'i kooperativa ida ho ramu bá kooperativa produsaun nian", nia esplika.

Grupu Juventude ne'e kompostu husi membru na'in-21, iha atividade la'o durante tinan ona foka liuba produsaun. (*)

Tempotimor (Dili)-Sekretária Estadu Kooperativa (SEKoop) sei fasilita formasaun ba joven kreativu hamutuk na'in 21 kona-ba kooperativa bázika.

Tempotimor (Dili) - Sekretáriu Estadu Kooperativa (SEKoop) selu ona kompaña implementadór programa Sesta Bázika hamutuk sanulu-resin-ida (11), tanba remata ona distribuisaun.

Tempotimor (Dili) - Formadór sira hamutuk na'in-47 iha Sekretária Estadu Kooperativa (SEKoop) hetan ona rekoñesimentu husi Instituto Nacional Dezenvolvimento Măo de Obra (INDMO) hodi halo atribuisaun sertifikadu iha nivel formadór nasionál.

Legalizasaun no rekuñesimentu ne'e fó, liuhusi avaliasaun ne'ebé halo husi ekipa avaliadór sira INDMO nian iha fulan-janeiru, ba funsionáriu sira iha SEKoop laran.

Sekretáriu Estadu Kooperativa (SEKoop), Elizário Ferreira hatete, formasaun ba formadór sira hamutuk na'in-84 ne'ebé prepara ona atubele hala'o formasaun ba nivel baze.

Maibé, bazeia ba avaliasaun husi INDMO nian, rezultadu hatudu, iha na'in-47 mak sertifika ona sai nivel formadór nasional nian.

"Dadaun ne'e, formadór hamutuk 47 mak legalizadu ka rekuñese husi parte INDMO ninian, ne'ebé akomodadu iha federasaun hanai malu ho SEKoop rasik", dehan Elizário iha Akait, tersa (20/04).

Durante ne'e, formasaun iha trimestre dahuluk nian, SEKoop hala'o ona ba funsionáriu sira hamutuk na’in-1226 iha territóriu TL.

Tanba ne'e, ekipa sira kontinua halo preparasaun ba modulu oinsá formasaun bele la'o nafatin.

Diretór Nasionál Dezenvolvimentu Kooperativa, Reinaldo Borges antes ne’e informa, formadór sira mós presiza haforsa kuñesimentu iha formasaun kona-ba jestaun kooperativa naun finanseira nian, hodi nune'e bele hamoris liután setór naun finanseira ba movimentu kooperativa sira hotu iha TL.(*)

Page 1 of 17
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter