Login to your account

Username *
Password *
Remember Me

Items filtered by date: Tuesday, 29 September 2020

Tempotimor (Dili) - Ho situasaun pandemia Covid-19 ne'ebé akontese iha mundu afeta ba númeru kiak aumenta no hahán ne'ebé la sufisiente. Nune'e, Sekretáriu Estadu Kooperativa (SEKoop), Elizário Ferreira, buka solusaun hodi satan situasaun ne’e labele akontese iha Timor-Leste.

Nia hateten, iha Timor-Leste situasaun kooperativa kreditu uniaun durante pandemia Covid-19 laiha problema, maibé membru sira mak iha problema tanba sira laiha produtu lori ba merkadu, nune'e hodi selu tusan iha kooperativa.

"Situasaun hanesan ne'e, buka oinsá atu kria fali kondisaun ne'ebé estavel nune'e kondisaun ekonomia funsiona fali no membru kooperativa sira halo atividade hodi devolve kapitál iha sira nia liman," dehan Elizário bawww.tempotimor.com, iha edifísiu SEKoop, Akait, Tersa (29/9).

Governante ne'e akresenta, hanesan Sekretáriu Estadu Kooperativa iha ona hanoin atu kria fali kondisaun, nune'e membru kooperativa sira bele produz no fila ba negósiu, fó insentiva, asegura kooperativa hanesan instituisaun liuhusi dalan formasaun rekursu umanu, asegura poupansa orsamentu nune'e labele hamosu hamlaha ne'ebé naruk no kria estabilidade fundu kooperativa inklui fundu risku ba populasaun, alende ne'e, oinsá atu bele kontribui ba produsaun rai-laran no redusaun ba kiak.

"Iha ideia ida katak hamosu subsídiu parte ida kontribui governu nian hodi trava hamlaha ba povu," dehan Elizário.

Entretantu, SEKoop Elizário rasik hamutuk ho funsionáriu SEKoop nian hola parte iha vídeo konferénsia ho membru kooperativa Indonézia ne'ebé oradór husi Ministru Kooperativa no Empreza Baixu no Mediu, Teten Masduki ho tema impaktu Covid-19 ba setór kooperativa kréditu uniaun no oinsá buka solusaun iha situasaun pandemia laran. (*) 

Published in Ekonomia
Wednesday, 30 September 2020 07:10

PNTL sei Prosesu Sidadaun Kuaze 400 ba MP

Tempotimor (Dili) - Haree ba sidadaun sira ne'ebé kontinua ultrapasa ilegál iha fronteira rai hodi ba sa'e sintu iha Indonézia, maka daudaun ne'e Polísia Nasionál Timor-Leste (PNTL) no Ministériu Interiór (MI) kontinua halo investigasaun hodi lori prosesu sira ba Ministériu Públiku (MP).

Tuir Vise-Ministru Interiór, António Armindo, sidadaun sira ne'ebé tama ilegál ne'ebé kaptura ona no kuarentena ne'e, kuandu kompleta ona sei lori prosesu ba MP.

"Sidadaun sira ne'ebé tama ilegál ne'e liu 300, ne'ebé agora loron-loron ita kontinua kaer, balun sei tama sai nafatin, ne'ebé númeru loloos ne'e ita labele ko'alia katak hanesan ne'e, maibé agora ne'e kontinua akontese. Ne'ebé to'o semana oin hanesan ne'e bele to'o 400 hanesan ne'e," dehan nia, iha Komandu Jerál PNTL, Kaikoli, Tersa (29/9).

Nia afirma, sira ne'ebé tama sai ilegál ne'ebé kapura ona ne'e kuandu kumpre ona kuarentena, maka PNTL iha papél depois halo investigasaun no entrega ba na’in, tanba MP mak na'in loloos.

Governante ne'e mós dehan, bainhira forsa kaptura, seidauk bele halo investigasaun, tanba la hatene ema ne'e moras ka lae? Entaun kumpre lai kuarentena maka foin halo investigasaun no lori ba MP.

Iha fatin hanesan, Komandante Jerál PNTL Komisáriu Faustino da Costa hateten, daudaun ne'e sidadaun na'in 100 resin mak livre ona husi kuarentena.

"Ita halo hela identifikasaun, la'ós Komandu Munisípiu Dili de'it, maibé kuaze ema na'in 100-resin ne'ebé Ministériu Saúde liberta ona, entaun halo hela prosesu identifikasaun ba sira hotu liuhusi servisu identifikasaun PNTL no servisu investigasaun Munisípiu Dili. Agora ita kontinua rejistu, desizaun ne'e iha Ministériu Públiku (MP) nia liman, tanba sira mak na'in prosesu ne'e," nia dehan. (*) 

Published in Justisa

Tempotimor (Manatutu)-Padre Martinho Gusmão fó ninia hanoin kona-ba see mak sai proklamadór no fundadór Repúblika Demokratika Timor-Leste (RDTL). Tuir nia, proklamadór mak saudozu Francisco Xavier do Amaral, no fundadór mak Nicolau Lobato no Xanana Gusmão.

Published in Politika

Tempotimor (Dili)-Deputadu husi bankada Fretilin Antonino Bianco husu ba meza Sekretaria Jeral Parlamentu Nasional no Prezidente Parlamentu Nasional, atu halo planu ba timorizasaun ba asesor sira iha PN.

Published in Politika

Tempotimor (Manatuto)-Laureadu Nobel da Pas no eis Prezidente Repúblika José Ramos Horta hatete, maske durante ne’e lider sira kritika malu iha públiku nia oin, maibé sira la odiu malu, tan ne’e husu ba povu atu labele hakfodak.

Published in Politika

Tempotimor (Manatuto)-Reprezentante husi jerasaun foun iha Munisipiu Manatuto sujere ba lider istoriku sira atu lalika inklina ba Partidu Politiku, tanba bazeia ba realidade impase politika ne’e la konsege rezolve tan de’it diferensia politika entre lider hirak ne’e.

Published in Politika

Tempotimor (Dili) - Problema entre membru arte-marsial dala balun tanba ‘provoka’ mós husi membru Polisia Nasionál Timor-Leste (PNTL) no FALINTIL-Forsa Defeza Timor-Leste (F-FDTL), tanba ne’e instituisaun rua ne’e bandu sira ninia membru atu envolve arte-marsiál.

Published in Seguransa Defesa

Tempotimor (Dili) - Deputadu sira iha Parlamentu Nasionál (PN), Tersa (29/9), hala'o diskusaun ba proposta tetu orsamentu privativu Orsamentu Jerál Estadu tinan fiskál 2021, ne'ebé prevé husi governu ho totál tokon US$ 16.9.

Published in Opiniaun
Tuesday, 29 September 2020 12:12

Deputadu Balun Delek ba Laptop

Tempotimor (Dili)-Nu'udar reprezentante povu, deputadu loloos iha koñesimentu neebé natoon, laos deit tanba hatene organiza massa, maibé mós iha netik koñesimentu ba teknolojia no informasaun, atu nunee sira bele efetivu duni defende ema sira neebé sira reprezenta. Maibé, realidade balun halo ita basa rentos.

Published in Politika
Tuesday, 29 September 2020 11:56

Membru Governu nain 3 Hobur Tizora Ida

Tempotimor (Dili)-Iha Tersa (29/09) dader mosu paisajen neebé la baibain iha edifisiu ho medida 11x4 ne'ebé estudante sira husi Sentru Formasaun Don Bosco harii iha Kuartel Jeral Polisia Nasionál Timor-Leste.

Published in Politika
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter