KKUE Husu SEKoop Fasilita Formasaun ba Membru Sira

Membru hamutuk nain 22 iha Kooperativa Kréditu Uniaun Estrela (KKUE) halao hela juramentu ba tomada-de-posse husi Sekretáriu Estadu Kooperativa (SEKoop), Elizário Ferreira iha sede suku Leorema, sábadu (05/15). Membru hamutuk nain 22 iha Kooperativa Kréditu Uniaun Estrela (KKUE) halao hela juramentu ba tomada-de-posse husi Sekretáriu Estadu Kooperativa (SEKoop), Elizário Ferreira iha sede suku Leorema, sábadu (05/15). Foto Tempo Timor

Tempotimor (Leorema)- Prezidente Koopera Kréditu Uniaun Estrela (KKUE), Emanuel Lobato husu ba Sekretáriu Estadu Kooperativa (SEKoop), atu kontinua halo akompañamentu ba sira liuhusi formasaun no kapasitasaun kontinua nune’e bele eleva sira nia koñesimentu atu jere kooperativa ho diak.

Prezidente KKUE hateten, sira iha inisiativa, vontade no kreatividade, maibé sira seidauk bele jere mesak kooperativa atu la’o ba oin.

"Ita iha ona osan, maibé husu nafatin ba sekretáriu estadu atu bele fasilita ami ba kontinuasaun ba treinamentu, liu-liu iha akontabilidade, atu hasa'e ami nia koñesimentu oinsá bele iha responsabilidade finanseira ba kontribuisaun sira hotu iha membru ninian", Emanuel Lobato hateten lia hirak ne’e durante serimónia posse ba membru sira iha sede suku Leorema, postu Bazartete, munisípiu Likisá, Sábadu (05/12).

Nia dehan, sira ne’ebé tur iha estrutura, halo hela servisu ba ema lubuk ida nia osan, sira iha responsabilidade másimu ba ema hotu nia konfiansa liu-liu ba membru sira nia kontribuisaun, maibé sira seidauk iha kapasidade atu jere kooperativa.

"Tanba ne'e, ami husu mós ba sekretáriu estadu, karik iha kondisaun ruma bele prepara netik ajente ruma ba ami oinsá bele jere kooperativa ne'e, hafoin ami iha esperiénsia, ami bele la'o mesak", nia dehan.

Nia hatutan, KKUE halo servisu ba ema hotu, tanba ne'e nia husu ba Leorema oan sira hotu atu evita interpretasaun falsu oioin ba servisu kooperativa nian, tanba laiha motivu, tendénsia no interese ruma atu lori membru sira ba grupu seluk.

"Ha'u husu ba ita hotu atu evita interpretasaun sira ne'ebé livre ho vontade. Ikus liu, ha'u lori estrutura no membru tomak, husu ita hotu nia servisu nu'udár dalan di'ak liu ba kooperativa, bele buras no buras liu ba futuru ita hotu nian", nia fó hanoin.

Entretantu, poupansa orsamentu ne'ebé membru sira tau hamutuk mak hanesan, rai osan administrasaun $10, rai osan obrigatóriu $5, no rai osan prinsipal $10, hamutuk membru ida hatama $25.
KKUE rai osan ba dahuluk totál membru hamutuk na'in 22, ho orsamentu totál $545. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter