Print this page

SEKoop Rekomenda ba KKUE Hametin Sustentábilidade ho Komunikasaun

By December 07, 2020 2729
Hafoin serimónia toma posse ba membru Kooperativa Kréditu Uniaun Estrela (KKUE), Sekretaria Estadu Kooperativa (SEKoop), Elizário Ferreira hasai foto hamutuk ho konsellieru, Xefi suku, aldeia no membru sira iha sede suku Leorema, sábadu (05/12). Hafoin serimónia toma posse ba membru Kooperativa Kréditu Uniaun Estrela (KKUE), Sekretaria Estadu Kooperativa (SEKoop), Elizário Ferreira hasai foto hamutuk ho konsellieru, Xefi suku, aldeia no membru sira iha sede suku Leorema, sábadu (05/12). Foto Tempo Timor

Tempotimor (Leorema)- Sekretária Estadu Kooperativa (SEKoop), Elizário Ferreira, husu ba membru sira husi Kooperativa Kréditu Uniaun Estrela (KKUE) atu asegura komunikasaun ba malu iha kooperativa nia laran, nune’e bele kontinua eziste ba tempu naruk, liuliu atu asegura sustentábilidade.

"Atu segura sustentábilidade kooperativa nian ne'e la'os buat fásil, basta de'it, primeiru iha nivel organizasaun tenke asegura komunikasaun ba malu", Elizário hateten ba jornalísta sira hafoin serimónia posse ba membru hamutuk nain 22 husi kooperativa KKUE iha sede suku Leorema, postu administrativu Bazartete, munisípiu Likisá, Sábadu (05/12).

Rekomendasaun segundu, nia dehan, problema hotu-hotu ne'ebé akontese iha kooperativa nia laran, tenke rezolve liuhusi reuniaun.

"Terseiru, tenke partisipa ativamente iha formasaun. Kuartu, tenke nakloke ba parte seluk atu bele deskobre no simu ideia husi parte seluk atu bele deskobre no simu ideias husi parte seluk, atu nune'e bele dezenvolve", nia sujere.

Nia mós husu ba membru sira iha kooperativa Kréditu Uniaun Estrela, atu nakloke ba ema hotu.

"Imi haree kooperativa ne'e labele hanesan ema sira ne'ebé moris iha dezertu (padang pasir). Sé moris iha dezertu, nia sei la fó buras ba ita", nia fó hanoin.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items