PR Lu Olo Husu Likisá-Oan Servisu Badinas

Prezidente da Republika, Dr. Francisco Guterres Lu Olo Prezidente da Republika, Dr. Francisco Guterres Lu Olo Foto Ofisial

Tempotimor (Dili) - Prezidenti Repúblika Francisco Guterres Lu Olo saúda ho husu ba Likisa-oan sira atu servisu badinas liu tan, nune'e bele dezenvolve Likisa diak liu tan iha futuru.

Munisipiu Likisa ne'ebé sai fatin selebrasaun loron proklamasaun Independensia ba tinan 45 hanesan fatin ne'ebé besik liu kapital Dili, iha poténsia ne'ebé bo'ot hanesan Turismu Istoriku, sentru produsaun agrikultor, iha rikeza naturais hanesan rai-henek, kondisaun iklima ne'ebé kahor manas no malirin tanba iha tasi no foho.

Nune'e, Prezidenti Repúblika Francisco Guterres Lu Olo liu husi diskursu selebrasaun loron proklamasaun Independénsia ba tinan 45, apela atu Likisa-oan servisu badinas hodi dezenvolve potensia iha Likisa ba benefisiu povu Likisá rasik no Timor tomak.

"Ba Likisa-oan sira, ha’u apela ba imi hotu atu servisu badinas liu tan, tau neon hamutuk atu dezenvolve imi nia munisípiu," Lu Olo dehan iha Pilila Munisipiu Likisa, Sábadu (28/11).

Tuir Lu Olo, Munisipiu Likisá iha nia beleza no karakteristiku rasik no besik liu kapitál Dili nune'e bele dezenvolve lais liu ho turizmu istóriku no agro ekolojia.

Xefi estadu akresenta Likisá iha beleza oinoin, kontras ho malirin no manas, foho no bele asesu ba Tasi, iha lagoa Maubara no mota Loes ne'ebé bo'ot.

Likisa mós iha edifisiu oinoin ne'ebé hari iha tempu kolonializmu Português ne'ebé tenki rekopera lalais relasiona ho interese istóriku.

"Suku Fatukesi no aldeia Gariana bele sai sentru istóriku ba Timor-Leste tanba komandante Nino Konis Santana organiza resisténsia iha fatin rua durante ita nia luta libertasaun nasionál," Lu Olo dehan.

Prezidenti hatutan, eroi boot saudozu Nicolao Lobato iha abut hanesan Likisá-oan, Likisá mós bele dezenvolve sai nu'udár produsaun hahan husi Rai-maran no tasi laran, Loes besik fronteira bele sai sentru merkadu ne'ebé bo'ot entre Timor-Leste no Indonézia inklui Munisipiu Ermera ho Bobonaru.

Lú Olo deklara katak, estadu presija regulariza esplorasaun rai henek ne'ebé aas iha Likisá nune'e involve emprezáriu lokál hodi Likisá oan bele hetan nia benefísiu ekonomia.

Alende ne'e, dezastre naturais rai halai mós akontese makaas iha Likisá nune'e Prezidenti Repúblika apela ba lider Autoridade lokál iha Likisá atu proteje naturais atu nune'e labele afeita ba povu iha Likisá.

Tanba ne'e, Prezidenti Repúblika husu povu Likisá atu banati no hatutan patriotizmu eroi Likisa-oan ne'ebé fo aan ba mate iha tempu luta libertasaun nasionál nune'e bele hatutan ba jerasaun iha futuru hodi tane prinsípiu no valores nu'udár Timor-oan.(*)

 

PUBLISIDADE

Rate this item
(0 votes)
Last modified on Saturday, 28 November 2020 14:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter