Items filtered by date: Wednesday, 04 August 2021

Tempotimor (Dili)-Diretór Ensinu Sekundáriu Jeral (ESG) Nobel da Paz, Pedro Nunes Menezes, deside hodi bandu profesór atu utiliza materia foun iha elaborasaun ezame periodu daruak ba estudante.

Tempotimor (Dili)-Ministru Ensinu Superior Siénsia no Kultura (MESSK), Longuinhos dos Santos deklara, Governu deside kontinua konstrusaun edifísiu ba Sidade Universitária iha Munisípiu Aileu, tanba sai hanesan planu governu nian ba interese nasionál.

Tempotimor (Díli)-Ministru Prezidensia Konsellu Ministru (MPKM), Fidelis Leite Magalhães hatete, embaixadór Estadu Unidu Amérika (EUA), Kevin Blacstone, ne’ebé rejigna-an ho razaun pesoál laiha implikasaun ba Governu Timor-Leste iha futuru.

Tempotimor (Díli)-Governu liuhusi Konsellu Ministrus (KM) aprova ona alterasaun daruak ba Dekretu-Lei nu. 17/2020, loron 30 fulan-abríl, ne’ebé kria suplementu remuneratóriu ba funsionáriu, ajente no traballadór administrasaun públika sira ne’ebé fó atividade profisionál oioin iha servisu prevensaun ka kontrola Covid-19 nian iha kondisaun direta espozisaun ba vírus SARS-CoV-2.

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu Covid-19 rekuperadu hamutuk 35 no pozitivu foun 45.

“Kazu rekuperadu ne’ebé ralata iha loron 4 fulan-Agostu tinan 2021 hamutuk 35 no kazu detetadu pozitivu Covid-19 foun 45 (iha Dili 26, munisípiu seluk hamutuk 19) mane 26,    feto 19”, informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu impremsa, kuarta (04/08).

Husi totál kazu detetadu foun hirak ho idade tinan 12 na'in 1, ho idade entre      tinan 12-59 na'in-42 (91,3%) ho idade  60 na'in-3,  6 kazu ka 13% mak sintomátiku (hatudu sintomas), kazu ativu 1.094 no totál kazu konfirmadu kumulativu iha       4 fulan-Agostu.2021 (sura husi21 Marsu 2020) 11.145.

Hahú loron 3 to’o 4 fulan-Agostu, hamutuk hotu Laboratóriu Nasionál Saúde (LNS) halo 495 testes PCR iha        Dili, ho detalla hanesan vijilánsia sentinela 3, rastreiu ba kontaktu (contact tracing) 43, rastreiu.aleatóriu (random screening) 35, viajen sai husi          serka sanitária munisípiu Dili 305, viajen       internasionál.52 no follow up iha kuarentena 57.

Rezultadu testes PCR  ne’ebé halo iha loron 3 fulan-Agostu iha munisípiu sira seluk REAOA ho HNGV hamutuk 324, ho detalla hanesan, Baukau 75, Ermera 17, Maliana 25, Maubisse 76, RAEOA 10, Suai 60, Vikeké 24 no HNGV 37. (*)

Tempotimor (Dili)-Ministru Ensinu Superior Siénsia no Kultura (MESSK), Longuinhos dos Santos informa, dadaun ne'e prepara ona karta despaixu ida hodi entrega Reitór Instituisaun Ensisnu Superiór (IES) sira atubele reativa aula prezensial ba estudante sira.

Tempotimor (Dili)-Governu liuhusi Konsellu Ministrus aprova ona projetu Rezolusaun Governu, ne’ebé mós aprezenta husi Ministru Administrasaun Estatal, kona-ba atualizasaun resenseamentu eleitorál iha estranjeiru no aprovasaun kalendáriu kona-ba operasaun resenseamentu eleitorál iha estranjeiru, ba eleisaun Prezidente Repúblika ne’ebé hala’o iha tinan 2022, ne’ebé sei hahú iha fulan-setembru tinan 2021.

Tempotimor (Dili)-Magnifiku Reitór Universidade Paz (UNPAZ), Adolmando Amaral, hatete kandidatura ba Prezidnete Repúblika (PR) tenke iha kapasidade no koiñesimentu ba polítika interna no esterna atu bele harmoniza situasaun iha rai laran.

Tempotimor (Dili)-Vise Xefe Estadu Maiór Jenerál FALINTIL-Forsa Defeza Timor-Leste (F-FDTL), Maijór Jenerál, Domingos Raul ‘Falur Rate Laek’ hatete, iha komemorasaun loron FALINTIL  ba dala-46 ne’ebé monu iha loron 20 agostu sei halo promosaun ba ofisiál no sarjentu sira.

Tempotimor (Díli)-Governu liuhusi Konsellu Ministru (KM) aprova ona dekretu lei kona-ba alterasaun dahuluk kona ba remunerasaun husi Prezidente Autoridades Munisipál (PAM) ne’ebé kada fulan sei simu osan ho montante US$1,600.