Items filtered by date: Tuesday, 31 August 2021

Tempotimor (Dili)-Bispu Dioseze Baukau, Dom Basilio do Nacimento, dekreta suspensaun Ministériu Saserdotál, hodi hapara provizóriu padre Martinho Germano da Silva Gusmão husi nia kna’ar hanesan amu lulik iha Kreda Katólika nian, hahú loron 20 fulan-agostu tinan 2021.

"Ha'u nu’udar Bispo Dioseze Baukau nian dekreta suspensaun ministériu saserdotál, katak, hahú loron 20 fulan- agostu tinan 2021 ba oin, padre Martinho Germano da Silva Gusmão hapara nia atividade sira hotu ne'ebé sakramentu orden haraik ba nia atu hala'o iha uma kreda”; dehan Dom Basilio liuhusi karta ne’ebé www.tempotimor.com asesu, tersa (31/08).

Tuir karta ne’ebé fó sai husi Dioseze Baukau iha loron 30 fulan-agustu tinan 2021 katak, Dioseze Baukau deside hodi dekreta supensaun ida ne'e tanba bazeia ba pedidu husi amu Martinho Germano da Silva Gusmão ne’ebé haruka ona ba nia Bispo Diocesano iha loron 25 janeiru 2020, kona-bá atu renúnsia ba nia Ministériu Saserdotál, katak hapara nia kna’ar nu’udar Nai Lulik.

Nune'e mós, iha loron 4 fulan-fevereiru tinan 2021, amu Martinho Germano da Silva Gusmão kontinua haruka tan pedidu (Surat) ida ba Santu Padre hodi husu nia demisaun estadu klerikál, katak husu atu la moris ona tuir estatutu Nai lulik nian.

Ho desizaun no vontade ne’ebé amu Martinho Germano deside, dadauk prosesu kanóniku la'o hela, maibe nu’udar Bispo Dioseze Baukau nian deside dekreta suspensaun ministériu saserdotál.

“Kona-ba demisaun estadu klerikal ne'e, katak padre Matinho la moris ona nu’udar nai lulik ne’ebé simu Sakramentu ordem, maibé Sé Apostólika, Amu Papa de'it mak sei demite Padre Martinho Germano da Silva Gusmão husí nia estadu Klerikal”, dehan Dom Basílio.

Tanba ne'e, Bispo Dioseze Baukau hakarak fó hatene ba membru Kreda Katólika nian Timor-Leste, durante tempu naruk ida ne’ebé Padre Martinho Germano da Silva Gusmão kuestiona, reflete, rona, reza no deside kona-ba nia vida no nia kna’ar nu’udar Nai Lulik Kreda Katólika nian, ho (consciência limpa no serena), mak nu’udar Bispo Dioseze Baukau nian dekreta suspensaun ministériu saserdotál. (*)

Tempotimor (Dili)-Deputada Bankada Frente Revolusionáriu Timor-Leste no Independente (FRETILIN), Gabriela Alves hein Governu liuhosi Ministériu Turizmu no Komersiu Industria (MTKI), Ministèriu Asuntu Kombatente Libertasaun Nasionál (MALKN), no Ministèriu Obras Públika (MOP), atu koorden malu oinsá identifika fatin turizmu no istóriku sira.

Tempotimor (Dili)-Insidente ne’ebé mosu iha loron domingu (29/08), joven sira ataka malu iha Suku Triloka, Postu Administrativu Baukau Villa, Munisípiu Baukau rezulta ema na'in-4 kanek iha isin lolon, tanba kauza husi hamu tua.

Tempotimor (Dili)-Deputadu Bankada Congresso Nacionál de Reconstrução de Timor (CNRT), Veneranda Lemos, deskonfia Governu manipula númeru Covid-19 iha situasuan Estadu Emerjénsia (EE), tanba durante aplikasaun Serka Sanitária no Konfinamentu, maibé númeru kazu pozitivu Covid-19 kontinua sa'e.

Tempotimor (Dili)-Polísia Nasionál Timor-Leste (PNTL) rejísta sidadaun timoroan hamutuk ema na'in-153 mak hakat ilegál husi fronteira terrestre entre nasaun Timor-Leste (TL) ho Repúblika Indonézia (RI), durante semana rua nia laran.

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu tan kazu Covid-19 foun hamutuk 167, no iha Munisípiu Baukau 20 no totál kazu ativu iha Timor-Leste hamutuk 4.499.

Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO) iha Parlamentu Nasionál (PN), António Verdial, konsidera atendimentu husi Ministériu Saúde (MS) ladun iha étika, tanba kaixaun ba matebian Iria Berta dos Santos hatuur de'it iha rai leten.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo dekla, sidadaun na'in-3 mate ho Covid-19 iha sala izolamentu Lahane ho Vera Cruz, no totál óbitu dadaun ne'e sa'e ba 67.

Tempotimor (Díli)-Ministra Saúde (MS), Odete Maria Freitas, apela ba sidadaun sira ne'ebé mak moras labele hein to'o moras todan hafoin halai ba ospitál hodi hetan tratamentu.

Tempotimor (Dili)-Konfrontu entre fetosan ho umane iha Aldeia Bahareduk, Suku Sana-Na'in, Postu Administrativu Laklubar, Munisípiu Manatutu rezulta vítima na'in-2 tama kedan ospitál.