Items filtered by date: Tuesday, 24 August 2021

Tempotimor (Dili)-Bankada Congresso Nacionál de Reconstrução de Timor (CNRT) iha Parlamentu Nasionál (PN) konsidera desizaun sosa Ró Haksolok fó malisan aat ba Autoridade Rejiaun Administrativa Espesiál Oekussi Ambeno (RAEOA) hodi gasta saugate ba ró ne'ebé kondisaun tuan no la di'ak.

Tempotimor (Manatuto)-Xefe Suku Hoho-Rai, Albino Soares hatete, komunidade iha Suku Hoho-Rai, Postu Administrativu Laklo, Munisípiu Manatuto ho totál uma-kain hamutuk atustolu-sanolu-resin-hitu (317) seidauk asesu ba bee-moos.
"Sim Suku Hoho-Rai ne'e iha nia aldeia haat ho nia totál uma-kain hamutuk 317 ne'ebé la asesu ba bee-moos, kuaze suku ida Hoho-Rai ne'e tomak", dehan Albino iha Manatuto, tersa (24/08)
Tanba ne'e, husu ba parte relevante sira atu tau atensaun ba populasaun iha área rurál ne'ebé seidauk asesu ba bee-moos.
Maske proposta barak mak antes ne'e hatama ona ba Ministériu parte relevante sira to'o agora laiha rezultadu to'o.
Entretantu totál populasaun suku Hoho-Rai hamutuk 1.359, husi aldeia Hatu-Ermera, Miri-Huhun, Ani-Colau, no Hatu-Anahun. (*)

Tempotimor (Dili)-Koordenadór Pilar-7 husi Ministériu Saúde (MS) ne'ebe intergra iha Sala Situasaun, Sentru Integradu Jestaun Krize (SIJK), Nilton da Sillva, husu ba Governu atu aplika tán konfinamentu domilisiáriu jerál no obrigatóriu iha munisípiu Dili hodi bele hapara transmisaun Variante Delta no óbitu.

Tempotimor (Manatuto)-Komunidade uma-kain hamutuk atustolu-sanolu-resin-hitu (317) iha Suku Hoho-Rai, Postu Administrativu Laklo, Munisípiu Manatuto durante ne'e seidauk asesu ahi-eletrisidade.

Tempotimor (Dili)-Bankada Frente Revolusionáriu Timor-Leste no Independente (FRETILIN) no Partidu Demokrátiku (PD) iha Parlamentu Nasionál (PN) hato'o sentidu kondolénsia ba família vítima hamutuk na'in-limanolu (50) ne'ebé mate ho covid-19 iha Timor-Leste.

Tempotimor (Díli)-Ministra Saúde (MS), Odete Maria Freitas Belo, ekipa ministériu saúde kontinua halo teste swab ba sidadaun ne'ebé simu Vasina dalarua bainhira halo kontaktu direta ho pasiénte Covid-19.

Tempotimor (Dili)-Banco Nacional do Comérçio de Timor-Leste (BNCTL) hahú transfere ona saláriu fulan-Augustu nia ba konta bankária funsionáriu públiku sira.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, iha oras 24 nia laran, Sentru Integradu Jestaun ba Krize (SIJK) rejistu kazu Covid-19 foun hamutuk 532 no mate na'in-2 iha izolamentu Lahane.

Tempotimor (Dili)-Xefe Bankada Frente Revolusionáriu Timor-Leste no Independente (FRETILIN), Francisco Miranda Branco, husu Governu presiza rekruta tán pesoál hodi reforsa serbisu iha liña frente.

"Bankada FRETILIN sujere ba Governu atu reforsa ‘frontline’ saúde liuhusi rekrutamentu ‘Recursos Humanos’ hodi hatán ba situasaun ida-ne’e", dehan nia iha plenária PN, tersa (24/08).

Husu atu solusiona lailais, subsídiu ba pesoál saúde ‘frontline’ ne’ebé seidauk hetan sira-nia direitu.

Bainhira dekreta konfinamentu obrigatóriu iha kapitál Díli no iha munisípiu atu kombate propagasaun variante foun, Governu presiza halo uluk avizu ba populasaun sira hodi prepara sira-nia an.

"Nune’e mós Governu presiza prepara kondisaun lojístika ruma molok dekreta medida konfinamentu obrigatóriu", dehan nia.

Tanba populasaun saturadu, baruk no kolen ona ho situasaun ida-ne’e, purtantu at liu ona polítiku sira balu ne’ebé politiza moras pandemia mundiál ida-ne’e, tanba sira-nia hanoin‘post power syndrom’.

Ho situasaun ida-ne’e, profisionál saúde sira mós dezgastadu ho karga orária serbisu nian tanba númeru infetadu ne’ebé aumenta loron ba loron.

Husu líder polítiku sira, tenke kompara moris hanesan povu, nu’udar mós hanesan nasaun bele kontribui lisuk ho hanoin pozitivu, konstrutivu, no hahalok atu lailais normaliza situasaun ida-ne’e, no lailais hasai karga serbisu profisionál saúde sira-nian hodi fó mós tempu ba sira-nia an no ba sira-nia família.

"Oinsá ita bele kombate vírus Covid-19 ho variante foun, karik ita hotu la esforsu hamutuk, evita halibur ema barak iha fatin oioin, iha reuniaun sira, iha festa sira no fatin turizmu sira?", dehan nia. (*)

Tempotimor (Díli)-Ministra Saúde (MS), Odete Maria Freitas Belo hatete, nia parte seidauk haree dokumentu kompensasaun sidadaun ne'ebé sai vítima ba vasina, tanba seiduak iha aprovasaun no públika iha jornál repúblika.