Login to your account

Username *
Password *
Remember Me
Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Tempotimor (Dili)-Embaxadór Koreia mai Timor-Leste, Shin Mantaek, hala'o doasaun laptop hamutuk hitunolu (70) ba Universidade Nacional Timor Lorosa’e (UNTL), iha Sala-Videokonferénsia, segunda (14/08/2023).

Comment

Tempotimor (Dili)-Autoridade de Inspeção e Fiscalização da Atividade Económica Sanitária e Alimentar, Instituto (AIFAESA) deteta operadór ekonomika sira fa’an produtu liu prazu iha Postu Administrativu Bobonaro, Mumisípiu Bobonaro, kuarta (16/08/2023).

Comment

Tempotimor (Dili)-Governu liuhusi Konsellu Ministru (KM) konsege aprova ona projetu Dekretu-Lei, ne’ebé aprezenta husi Ministru sira kona-ba orgánika Ministériu hitu, hanesan  Ministériu Prezidénsia Konsellu Ministru (MPKS), Ministériu  Negósiu Estranjeiru no Kooperasaun (MNEK), Ministériu Justisa (MJ), Ministériu Saúde (MS), Ministériu Obras Públika (MOP), Ministériu Solidariedade Sosiál no Inkluzaun (MSSI), no Ministériu Petróleo no Rekursus Minerais (MPRM).

Comment

Tempotimor (Dili)-Governu liuhusi Konsellu Ministru (KM) aprova ona projetu dekretu-lei ne’ebé aprezenta husi Ministru Petróleo no Rekursus Minerais, Francisco da Costa Monteiro, kona-ba Timor Gas & Petróleu, E.P (TIMOR GAP), Autoridade Nacional Petróleu (ANP), No Institutu Petróleu no Jeolójia (IPJ).

Ba alterasaun daruak kona-ba Dekretu-Lei nú. 31/2011, loron 27 fulan-jullu, TIMOR GAP-Timor Gas & Petróleu, E.P. Alterasaun ida-ne’e ho objetivu atu korrije impresaun no falla sia ne’ebé deteta ona, nune’e mós adapta estrutura governasaun TIMOR GAP, E.P nian, sai norma ne’ebé empreza internasionál no nasionál hosi setór enerjétiku halo-tuir, aleinde habelar ninia ámbitu atuasaun hodi hasoru dezafius tranzisaun enerjétika ho di’ak liu.

Tanba ne’e, buka mós atu simplifika no otimiza diploma ne’e, hodi revoga dispozisoins ne’ebé prevee ona iha lejizlasaun aplikavel seluk atu evita duplikasaun no konfuzaun.

Nune’e mós reorientasaun estratéjika ne’e ho objetivu atu foka TIMOR GAP, E.P. iha ninia misaun prioritária, hodi evita desperdísiu iha atividade komersiál sira ne’ebé ladún iha vantajen, enkuantu projetus estratéjiku ba futuru Timor-Leste nian seidauk hetan avansu ne’ebé ita hakarak.

Iha altesaun ne’e mós atu aumenta grau transparénsia no kontrole atuasaun TIMOR GAP, E.P. nian, hodi aliña ninia atividade ne’e ho prátikas internasionais ne’ebé di’ak liu no lejizlasaun nasionál, hodi kontribui ba kredibilidade setór ne’e, no ba manutensaun estatutu Timor-Leste nian iha Inisiativa ba Transparénsia iha Indústrias Extrativa.

Ba alterasaun datoluk kona-ba Dekretu-Lei n. 20/2028, loron 19 fulan-juñu, ne’ebé kria Autoridade Nacional Petróleu. Ho alterasaun ida-ne’e, Autoridade Nasionál Petróleu sei asume fila-fali kompeténsia no atribuisaun sira ne’ebé ho eskluzivu sentraliza iha matéria ida setór petróleu no gas no área sira ne’ebé iha relasaun, hodi nune’e bele foka iha setór ne’e no aloka ninia rekursus tomak ba ninia dezenvolvimentu atu nune’e bele kontribui ho forma efetiva, hanesan halo ona to’o daudaun ne’e, ba dezenvolvimentu ekonómiku nasaun ne’e nian, nune’e mós hodi permite investimentu Estadu nian iha setór ekonómiku no sosiál prioritáriu sira seluk.

Alterasaun ne’e mós atu kria fila-fali mós regras organizasaun estrutura ezekutiva ANP nian, hodi fó prioridade ba méritu no kompeténsias téknikas ninia ekipa nian, aleinde habelar ninia ámbitu hodi ninia atuasaun hodi abranje área foun sira ne’ebé mai-hosi tranzisaun enerjétika.

Ba kriasaun Autoridade Nasionál Minerais, Institutu Públiku ne’ebé ho ninia atribuisaun sira, atu atua hanesan instituisaun reguladora ba setór rekursus minerais ho kumprimentu ne’ebé rigorozu ba  dispozisoins ne’ebé prevee ona iha Kódigu Mineiru, iha kualkér lejizlasaun ka regulamentasaun ezistente ka futura ne’ebé regula setór rekursus minerais.

Nune’e Kompeténsia regulasaun Autoridade Nasionál Minerais nian limita ona ba setór ne’ebé reguladu, no restrinje ba fiksasaun norma téknika operasionál sira, rekizitu sira ne’ebé h natureza administrativa ka regula inkumprimentu hosi rua ne’e, ho dependénsia no obediénsia ne’ebé rigoroza ba lei sira ne’ebé vigora, inklui, liuliu, ba efeitu hosi Artigu 157.º n. 2 Kódigu Mineiru.

Estinsaun Kompañia Mineira Timor-Leste, S.A. no kriasaun Murak Rai Timor, E.P.. Hodi konsidera indísius rikeza minerál, no aumentu signifikativu iha númeru privadus interesadus hodi investe iha setór rekursus minerais, sai imperativu fó ba Estadu mekanizmu nesesáriu sira hodi atua, ho forma efisiente, klara no transparente iha setór xave ekonomia nasionál ida-ne’e.

Haree ba prioridade no interese estratéjiku nasionál sira, tuir hatuur ona iha Programa Governu Konstitusionál IX rekomenda revizaun profunda ida ba forma partisipasaun Estadu nian iha Atividades Mineiras, hanesan liuhosi estinsaun Kompañia Mineira Timor-Leste, S.A, no kriasaun Emprea Públika ida ne’ebé bele atua iha setór ne’e ho forma plena no efikás, ho tutela no supervizaun efetiva hosi Governu.

Alterasaun dahuluk kona-ba Dekretu-Lei n. 33/2012, loron 18 fulan-jullu, ne’ebé kria Institutu Petróleu no Jeolójia. Hodi konsidera katak Institutu Petróleu no Jeolójia (IPJ) kria liu ona tinan 11 liubá, presiza atualiza ninia organizasaun no misaun, hodi garante melloramentu ba koñesimentu ne’ebé kontínuu kona-ba rekursus jeolójikus ezistente no posibilidade ba aproveitamentu sustentavel iha konseitu ekonomia sirkulár ida, ho ninia transformasaun iha Institutu Petróleu no Jeolojia.

Institut públiku ida-ne’e ho nia misaun prinsipál atu fó impulsu no realiza asaun investigasaun, demonstrasaun no transferénsia koñesimentu, asisténsia téknika no teknolójika, apoiu laboratorial no prestasaun servisus seluk ne’ebé dirije ba empreza sira, iha área jeosiénsias no geoteknolojias. (*)

Comment

Tempotimor (Dili)-Autoridade de Inspeção e Fiscalização da Atividade Económica Sanitária e Alimentar, Instituto (AIFAESA) liuhusi Ekipa Departamentu Asuntu Juridiku no Kontraordenasaun kontinua sosializa "Dekretu-Lei sira ne'ebé fó kompeténsia ba Autoridade hodi hala'o kontrolu atividade negósiu iha Timor-Leste" ba operadór ekonomíku iha Postu Administrativu Na'in Feto, Munisípiu Dili, kuarta (16/08/2023).

Comment

Tempotimor (Dili)-Governu liuhusi Konsellu Ministru (KM) konsege aprova dekretu-lei hodi fiksa valor subvensaun ba kandidatu Prezidénsia Repúblika ba Kampaña Eleitorál.

Comment

Tempotimor (Dili)-Primeiru-Ministru (PM), Kay Rala Xanana Gusmão hala’o enkontru ho Enkarregada Negosiasaun Embaxada Austrália mai Timor-Leste, Caitilin W hodi reafirma kompromisu Governu Austrália hodi kontinua apoia Governu Konstitusionál Dasia ba dezenvolvimentu nasaun Timor-Leste.

Comment

Tempotimor (Dili)-Organizasaun Nasaun Unidas (ONU) hamutuk ho nia ajénsia tomak hanesan UNICEF, IOM, WFP, UNDP, UN Woman, ILO, UNESCO, FAO, WHO, UNFPA iha Timor-Leste sei aliña sira-nia apoiu tuir programa prioridade ne’ebé Governu Konstitusionál Dasia define ona.

Comment

Tempotimor (Dili)-Parlamentu Nasionál (PN) liuhusi sesaun plenária ordinária hili ona membru na’in-lima (5) ba Konsellu Estadu hanesan mka Virgilio Smith “Cranek”, Jacinto Viegas Vicente “Roke”, Numinando S. Martins “Buras”, Ricardo da Costa Ribeiro no Josefa Alves Pereira Soares, iha loron 14 fulan-augostu 2023.

Comment

Tempotimor (Dili)-Konsellu Ministru (KM) liuhusi sorumutuk estraordináriu iha loron 10 fulan-agostu 2023, konsege aprova Orgánika Ministériu Administrasaun Estatál nian (MAE),  Orgánik Ministériu Asuntus Kombatentes Libertasaun Nasionál (MAKLN) no Orgánika Ministériu Defeza (MD).

Comment

Page 10 of 1298
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter