AML Suspende Suku Home Husi Serkulasaun Komunidade

Despaco husi AML hodi husu populasaun labele halo serkulasaun iha Suku Home Despaco husi AML hodi husu populasaun labele halo serkulasaun iha Suku Home Foto Suplai

Tempotimor (Dili) - Autoridade lokál liuhusi Admistradór Munisípiu Lautein (AML), Domingos Savio, offisialmente suspende Suku Home, Postu Admistrativu Lospalos, Munisípiu Lautein husi serkulasaun komunidade to’o loron 29 fulan-marsu tinan 2021 hafoin deteta kazu suspeitu covid-19.

Liuhusi karta despaisu númeru 08/A.M Lautém/III/2021 ne'ebé fó sai hafoin reuniaun ekipa konjunta AML deside pontu sira hanesan, ema hotuhotu iha fatin ne'ebé de’it Munisípiu Lautein atu kumpri regra prevensaun Covid-19 hanesan uza máskra, fase liman ho sabaun no distánsia sosiál.

"Suspende serkulasaun ema tama-sai husi área geográfika suku Home to'o dia 29 Marsu 2021," hakerek karta abaixu asinadu hosi AML, Domingos Savio ne'ebé www.tempotimor.com asesu, tersa (23/03).

Provizóriumente suspende atividade ne'ebé fó atendimentu ba ema barak to’o loron 29 fulan-marsu 2021, suspende ema halibur malu iha grupu barak hanesan futu-manu, tipu jogu oinoin, treinu inklui lia mate-moris tuir tradisaun no kontrola sirkulasaun ema tama-sai iha área turistiku sira.

Desizaun suspende atividade hirak refere bazeia ba deklarasaun Estadu Emerjénsia (EE) no dekretu Prezidente Repúblika (PR) númeru 15/2021 data 1 marsu no dekretu governu númeru 6/2021 data 02 Marsu kona-bá medida ezekusaun ba deklarasaun EE nian relasiona ho Pandemia covid-19.

Munisípiu Lautein rasik deteta kazu pozitivu Covid-19 ida (1) bainhira suspeitu estudante husi Universidade Oriental Timor Lorosa’e (UNITAL) viajen husi Dili iha loron 18 fulan-marsu hela iha Aldeia Reisoru, suku Home, Postu Administrativu Lospalos, Munisípiu Lautein.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter